Рэдактару «Новага Часу» сёння было б 77. Прыгожая лічба, але... Аляксей Сцяпанавіч пайшоў з жыцця пасля цяжкай хваробы 12 верасня 2015 года. Тады рэдакцыю ўзначаліла Аксана Колб, цяпер — палітзняволеная журналістка.
«Справа Караля жыве і пасля яго зыходу. Мы працягваем развіваць выданне ў кірунку, закладзеным пры ім. На знак памяці Аляксея Караля тройчы ладзілі конкурс маладых журналістаў, некаторыя пераможцы якога ў далейшым сталі сапраўднымі зоркамі "Новага Часу". Журналісцкая спадчына Аляксея Сцяпанавіча сёння актуальна як ніколі» — пішуць калегі журналіста.
Пачытаць артыкулы журналіста можна па спасылцы.
