Вікіпедыя – на сёння самая папулярная крыніца ведаў. Артыкулаў пра Беларусь ці па-беларуску там ужо нямала, але павінна быць яшчэ болей, а тыя, што напісаныя – пастаянна ўдасканальвацца! Таму запрашаем усіх ахвотных далучыцца да Дня на Вікіпедыі са Скарынаўкай 12 сакавіка.
Пішам разам пра Беларусь на любой мове або па-беларуску – на любую тэму.
У праграме – воркшоп ад Вікіпедыі, праца з крыніцамі Скарынаўскай бібліятэкі, стварэнне артыкулаў і ілюстрацыйнага кантэнту, а таксама забавы, добрыя размовы і al desco ланч. Не маеце нейкіх асаблівых ведаў? – А іх не трэба! Усяму навучымся хутка і разам!
Як далучыцца? – Запішыцеся да ўдзелу (тут у каментарах, у Фэйсбукy ці электроннай поштай), прыхапіце лаптоп і сэндвічы (сабе і падзяліцца з іншымі) і прыходзе! Кава і гарбата будуць чакаць на Вас. Не жывеце ў Лондане? – далучыцеся праз Скайп, Фэйсбук ці Google Hangouts.
За дапамогу – падарункі ўдзельнікам ад Скарынаўскай бібліятэкі і мінскага Фаланстэра!
Кантакт: [email protected], facebook.com/skaryna
