Еўрапейскі каледж Liberal Arts ў Беларусі аб’яўляе набор студэнт_ак на праграму «Глабальная грамадзянскасць».
Прэзентацыя праграмы адбудзецца 20 лютага (19:00, Imaguru Startup Hub)
Удзельнікі і ўдзельніцы праграмы даведаюцца:
- якім чынам міжнароднае права ўплывае на сацыяльныя працэсы, якія праходзяць унутры краіны;
- якім чынам можна і трэба абараняць правы жанчын і што такое «фемінізм»;
- навучацца разумець эканамічныя і фінансавыя асаблівасці сусветнай эканомікі;
- разам з выкладчыкамі і выкладчыцамі прааналізуюць карысць і шкоду ўплыву сацыяльных тэхналогій на беларускае грамадства;
- распачнуць спробу знайсці агульнае вызначэнне дэмакратыі і свабоды ў свеце.
Праграма «Глабальная грамадзянскасць» складаецца з шасці адукацыйных курсаў:
«Крызіс міжнароднага права»
Выкладчык: Лявон Марозаў
«Гендар і правы чалавека»
Выкладчыца: Лілія Воліна
«Мастацтва і сацыяльныя змены: як мастацтва змяняе свет»
Выкладчыца: Аліна Дзеравянка
«Сусветная дэмакратыя (гісторыя) і дэмакратычныя каштоўнасці»
«Сацыяльная і техналагічная рэвалюцыя»
Выкладчык: Аляксей Крывалап
«Сусветныя эканамічныя выклікі»
Выкладчык: Антон Залесоўскі
Праграма таксама прадугледжвае распрацоўку студэнт_камі праектных ініцыятыў: аўтар_кі лепшых праектаў атрымаюць фінансаванне на іх рэалізацыю.
Дэдлайн падачы заявак на навучанне — 27 лютага 2018 года.
Перыяд навучання:
Вочная форма: 5 сакавіка — 28 кастрычніка 2018 года (заняткі 2 разы на тыдзень у буднія дні з 18.30 да 21.20)
Дыстанцыйная форма: 16 сакавіка — 28 кастрычнiка 2018 года (занятасць 3-4 гадзіны на тыдзень, вочныя сесіі ў Мінску 16 — 18 сакавіка, 4 — 6 траўня, 26 — 28 кастрычнiка)
Вакацыі: 1 ліпеня — 19 жніўня.
Праграма складваецца з двух блокаў:
адукацыйны блок (5/16 сакавіка — 20 ліпеня)
праектны блок (21 чэрвеня — 28 кастрычніка).
Пры адборы заявак асаблівая ўвага надаецца матываванасці і гатоўнасці распрацоўваць праектную ініцыятыву.
Навучанне бясплатнае.
Арганізацыйны ўнёсак для студэнтаў і студэнтак вочнай формы навучання — 75 BYN.
Расходы на праезд аплачваюцца студэнтамі і студэнткамі дыстанцыйнай формы навучання самастойна. Арганізатары праграмы забяспечваюць пражыванне (2 ночы) і харчаванне (абеды) студэнтаў і студэнтак дыстанцыйнай формы навучання падчас вочных сесій у Мінску.
***
Беларускае грамадства ўсё больш адчувае на сабе ўплыў глабальных зменаў. Наша краіна была ўключаная ў глабальныя працэсы і непасрэдна закранута імі ў сферы эканомікі (міжнародны гандаль, залежнасць ад сусветнай эканомікі), міграцыі (працоўныя мігранты, бежанцы), правоў чалавека (гендэрная роўнасць / дыскрымінацыя, лічбавыя тэхналогіі), экалогіі (зялёная і ядзерная энергія), сучаснага мастацтва (сусветны арт-рынак), адукацыі ў галіне сродкаў масавай інфармацыі (сацыяльныя сеткі, электронны ўрад, уключэнне ў Балонскі працэс і т. д.).
Усе гэтыя моманты латэнтна (часам драматычна) уплываюць на беларускае грамадства, адкрываюць нябачныя працэсы яго пераўтварэння ці нават ламаюць.
Канцэпцыя глабальнай грамадзянскасці ў першую чаргу звязаная з прасоўваннем ідэй гуманізму і правоў чалавека як вышэйшай каштоўнасці ў сучасным рознабаковым грамадстве.
Падрабязная інфармацыя пра курсы праграмы.
Паводле арганізатараў
