Фестываль AD.NAK! сумесна з кампаніяй velcom распачаў конкурс “Еўропа ўнутры Беларусі”.
Спрачацца з тым, што Беларусь – частка Еўропы, не варта. Гэта факт. А вось тое, што Еўропа сустракаецца на кожным кроку, у кожнай дэталі Беларусі, ведае не кожны. Менавіта таму Трэці фестываль беларускамоўнай рэкламы і камунікацыі AD.NAK!супольна з самым еўрапейскім з усіх беларускіх мабільных аператараў кампаніяй velcom заснаваў конкурс “Еўропа ўнутры Беларусі”.
Конкурс закліканы завастрыць увагу беларускай грамадскасці на тым, што Беларусь – еўрапейская краіна, і пацверджанні гэтаму можна знайсці ў кожнай дэталі.
Пакажы, дзе ты бачыш Еўропу ў сваім штодзённым жыцці. Дашлі на конкурс ідэю, якая б магла засведчыць, што Беларусь – еўрапейская краіна.
Любіш здымаць, добра пішаш тэксты ці валодаеш іншымі карыснымі ўменнямі? Пакажы Еўропу ў Беларусі так, як ты хочаш і пры дапамозе тых сродкаў, якімі ты валодаеш. Гэта можа быць фотаздымак, тэкст, калаж альбо іншыя сродкі. Галоўнае, каб у іх праявіўся ты і твой талент.
На конкурс прымаюцца работы ад адной асобы. Работа павінна быць запампаваная на сайт Фестывалю AD.NAK! да 11 чэрвеня 2012 года.
Па заканчэнні конкурсу журы выбірае 3 лепшыя праекты, якія ўзнагароджваюцца статуэткамі фестывалю, а таксама прызамі ад кампаніі velcom – смартфонамi Samsung Galaxy Young.
Нагадаем, што Трэці Фестываль беларускамоўнай рэкламы і камунікацыі AD.NAK! у трэці раз расчыніў свае дзверы для ўдзельнікаў конкурснай праграмы 27 красавіка і пачаў прыём працаў да ўдзелу ў намінацыях і конкурсах Фестывалю.
Дэдлайн прыёма працаў – 11 чэрвеня. Удзел у Фестывалі – БЯСПЛАТНЫ. Кульмінацыяй Фестывалю стане Вялікі фестывальны дзень, які пройдзе 5 ліпеня. Адукацыйная праграма Фестывалю будзе складацца з серыі майстар-класаў беларускіх і замежных прафесіяналаў у галіне рэкламы, а завершыцца дзень цырымоніяй узнагароджання пераможцаў.
Па дадатковую інфармацыю звяртайцеся ў аргкамітэт Фестывалю AD.NAK!:
Тэл.: (29) 177-0121, 755-1434, (25) 978-9787, E-mail: [email protected].
Інфармацыя аб партнёры:
ЗП “Вэлком” (гандлёвыя маркі velcom і PRIVET) — першы аператар сотавай сувязі стандарту GSM у Беларусі. З лістапада 2007 года кампанія ўваходзіць у склад Telekom Austria Group — аднаго з самых паспяховых тэлекамунікацыйных холдынгаў Еўропы. Дзякуючы тэхналагічнаму лідэрству і шырокаму пакрыццю velcom забяспечвае сваім абанентам камфортныя ўмовы мабільных зносінаў і пастаянна пашырае пералік інавацыйных мабільных паслугаў. Эксперты прызнаюць якасць сувязі velcom эталоннай для Беларусі.
