Панурай восенню нашыя продкі любілі гатаваць адмысловы булён з гародніны, які прыйшоў у нашую кулінарную традыцыю з Італіі. Прывезла гэты рэцэпт італьянка Бона Сфорца — каралева Рэчы Паспалітай. Прыгатуем гэтую страву разам!
Як на Беларусь прыйшла італьянская кухня?
Гісторык традыцыйнай народнай кухні Алена Мікульчык сцвярджае, што зʼяўленне моды на італьянскую кухню звязана з імем Боны Сфорцы, якая выйшла замуж за караля польскага і вялікага князя літоўскага Жыгімонта І. Дзякуючы яе кулінарным захапленням нашыя продкі дазналіся пра італьянскую кулінарную традыцыю.
Страва пад назвай мішкулянцыя з’яўляецца ў кнізе Станіслава Чарнецкага «Compendium erculorum, albo Zebranie potraw», якая выйшла ў 1682 годзе. Таксама гэты суп можна знайсці ў кнізе «Літоўская кухарка» Вінцэнты Завадскай, якая была выдадзена ў 1854 годзе і перавыдавалася шмат разоў. А ў кулінарных трактатах ад 198 года суп мае назву «ўсяго патроху».
Як прыгатаваць мішкулянцыю
Інгрэдыенты:
- Бульба — 300 грамаў
- Капуста — 200 грамаў
- Фасоля — 100 грамаў
- Морква — 100 грамаў
- Сельдэрэй — 80 грамаў
- Грыбы — 40 грамаў
- Вада — 3 літры
- Соль і перац па смаку
Як гатаваць
Сухія грыбы замачыць у гарачай вадзе на 20 хвілін, а потым парэзаць. Калі выкарыстоўваеце свежыя грыбы, то іх замочваць не трэба.
Укінуць грыбы ў падсоленаю ваду і давесці да кіпення.
Гародніну парэзаць на аднолькавыя кавалкі і дадаць да булёну. Варыць 30 звілін. Пасаліць і паперчыць па смаку.
Падаваць прысыпаўшы зелянінай.
Смачна есці!
Чытайце яшчэ:
