Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў новым відэапраекце Budzma.org «Гісторыя за 5 хвілін». У гэтым выпуску навуковец распавядае пра жалезны век на беларускіх землях.
Здабыць жалеза нашмат складаней, чым медзь або бронзу, бо патрэбныя адмысловыя печы, каб дасягнуць патрэбнай тэмпературы ў больш чым 1350 градусаў. Якім чынам нашыя далёкія продкі дасягалі патрэбнай тэмпературы, як з балотнай руды атрымлівалі таварны метал, а таксама якія плямёны насялялі ў той час тэрыторыю Беларусі, даведаецеся, паглядзеўшы новы выпуск відэапраета «Гісторыя за 5 хвілін».
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх ўнутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў.
У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці. Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
Пры наступнай сустрэчы прафесар Краўцэвіч патлумачыць, як падзяліць гісторыю краіны на перыяды і распавядзе пра перыядызацыю гісторыі Еўропы і Беларусі.
Папярэднія выпускі глядзіце па спасылцы.
Глядзіце яшчэ:
12 войнаў за 300 год. Як і калі нашыя продкі ваявалі з Маскоўскай дзяржавай