Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». У новым відэа гісторык распавядае пра вялікую вандроўку народаў і з’яўленне славян на тэрыторыі Беларусі.
Пачаткі Беларусі сягаюць у даўнюю, працяглую і да канца невытлумачаную гістарычную з’яву, якую называюць «Вандроўкай народаў» або «Вялікай міграцыяй». Пра прычыны такога вялікага сыходу з абжытых мясцінаў дзясяткаў і сотняў тысяч людзей гісторыкі спрачаюцца дагэтуль. Якія версіі выказваліся, якія плямёны спрычыніліся да ўтварэння Кіеўскай Русі і Полацкага княства, як і калі на беларускіх землях з’явіліся першыя славяне, — даведаецеся ў новым роліку «Гісторыі за 5 хвілін».
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх ўнутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў.
У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці. Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
У наступным выпуску «Гісторыі за 5 хвілін» гісторык распавядзе пра пачатак фарміравання беларускага народа і Беларусі.
Папярэднія выпускі глядзіце па спасылцы.
Глядзіце яшчэ:
Як заходнерускія манахі Маскву адукоўвалі
