Адна з самых папулярных тэлефонных гульняў Wordle атрымала беларускамоўную версію.
Гульню прыдумаў брытанскі праграміст з Нью-Ёрка Джош Уордл для сваёй дзяўчыны, калі сядзеў на каранціне і сумаваў. Сваякі Уордла ўзяліся пратэставаць квіз — ён падзяліўся спасылкай у сямейным чаце ў WhatsApp, а затым адкрыў яе для ўсіх. 1 лістапада 2021 года над Wordle штодня ламалі галаву 90 чалавек, да студзеня фанатаў стала больш за 300 тысяч.
Арыгінал гульні англамоўны, але ёсць версіі і на іншых мовах. А цяпер і на беларускай!
Правілы гульні вельмі простыя: гульцу даецца шэсць спробаў адгадаць, каб адгадаць слова з пяці літар. Пасля кожнай здагадкі Wordle паказвае, якія літары супадаюць з літарамі загаданага слова дня.
Калі літара адгаданая дакладна і знаходзіцца на правільным месцы, яна будзе падсветлена зялёным, калі літара ёсць у слове, але на няправільным месцы — жоўтым, а калі літары няма ў слове, яна застанецца шэрай.
Нягледзячы на простыя правілы, Wordle — не самая лёгкая галаваломка. І згуляць у яе можна толькі адзін раз у дзень. Калі захочацца праверыць сілы яшчэ раз — прыйдзецца пачакаць, а гэта павялічвае ўцягнутасць.
Варыянт беларускамоўнай гульні тут.
budzma.org
