Музыкі ладзяць выступ з нагодня 25-годдзя гурта. На імпрэзе выступіць шэраг беларускіх музыкаў, а сабраныя сродкі пойдуць на дапамогу Украіне.
«Мы не маглі дачакаца сустрэчы з вамі, каб заспяваць, патанчыць з нагоды 25-годдзя нашага гурта. Мы рыхтавалі для вас вялікі сольны канцэрт.
Жахлівая вайна за некалькі дзён зруйнавала жыцці тысячаў і лёсы мільёнаў людзей, амаль знішчыла цэлыя гарады - што ўжо казаць пра нашыя творчыя планы. Але мы працягваем спяваць, пераўтвараючы нашыя галасы ў зброю супраць зла, што нясе усёй Зямлі звар’яцелы бункерны карлік ды ягоны сіпаты гаўляйтэр» – заяўляюць музыкі.
Спецыяльныя госці: Аляксандр Памідораў, Дзяніс Тарасенка, Naka, Botanic Project.
Імпржза адбудзецца на базе пляцоўкі Beer Station у Варшаве па адрэсе Lwowska, 17 а 20 гадзіне.Уваход за вольнае ахвяраванне.
Усе сабраныя сродкі пойдуць на дапамогу Украіне.
