Дарагія сябры! Мы запрашаем вас у творчую майстэрню “Горад сяброў” Ганны і Паўла Харланчукоў
фота Аляксандра Tarantino Ждановіча
“Горад сяброў” — гэта месца, дзе заўсёды свеціць сонейка. Нават калі яно і схаваецца за воблачка, то ненадоўга. А калі з воблачка закапае дожджык, ён абавязкова будзе цёплым і пяшчотным. Гэта горад з маленькімі цікавымі вулачкамі з прывабнымі назвамі: вул. Дапамогі, вул. Цярплівасці, вул. Усміхашак альбо вул. Ветлівасці. На такіх вулачках абавязкова хочацца сустрэцца са сваімі сябрамі, каб падзяліцца навінамі, паказаць свае дасягненні, пашлёпаць па лужынах ці выпіць гарбаткі з торцікам.
Вось у такое цудоўнае месца мы запрашаем вас на наш першы спектакль “Ёсць ідэя!” Справа ў тым, што сяброўства пакінула “Горад сяброў”. У горадзе злыя жыхары! Куды зніклі Мір, Радасць і Любоў? Нам неабходныя вашы ідэі, каб дапамагчы “Гораду сяброў”. Я ўпэўненая, што разам у нас усё атрымаецца! А ў дапамогу сабе вазьміце добры настрой, гучны голас і, канечне, невычэрпную фантазію.
Праходзіць выпрабаванні мы будзем з вясёлымі спевамі, пачастункамі, гульнямі. І нават зробім цікавую самаробку-сюрпрыз для сваіх бацькоў. Буду вельмі вас чакаць! Без вас мне не справіцца!
Ад 5 да 12 гадоў
Працягласць: 1 г 10 хв.
5 верасня (субота), 12:00
вул.Куйбышава, 22, школа танцаў “Квартал” ( “Kvartal”)
Папярэдні запіс па тэл. + 375 25 7221252, Злата
Цана: дзіцячы квіток — 100 000, квіток для брацікаў-сястрычак — 50 000, дарослы квіток — 50 000.
Увага! Узяць пераабуцца і дзецям, і дарослым (ці шкарпэткі).
