Будзьма беларусамі! » Касманаўты і псіханаўты: “касмічны” канцэрт гурта “Тёплые вещи” (фота)

Гомельскі рэгі-гурт “Тёплые вещи” яўна аблюбаваў не менш цёплы і ўтульны бар “Квартирник”. Прынамсі, на іншых гомельскіх сцэнах хлопцаў апошнім часам, бадай, і не пабачыш. Нядаўні канцэрт гурта супаў з сусветным днём авіяцыі і касманаўтыкі.

Пачалося ўсё з таго, што дыджэй бара голасна пачаў шукаць нейкага Юру. Апынулася, што Гагарына. Ці знайшоў урэшце рэшт – невядома, але “Тёплые вещи” падтрымалі тэму. Вакаліст гурта Сяргей Князеў прысвяціў песню “Настя” жанчынам-касманаўтам, дадаваў у кампазіцыі рэчытатывы на касма-тэму, а таксама час ад часу на працягу канцэрта згадваў пра касманаўтаў і псіханаўтаў:

– Ёсць тыя, хто вывучае знешні космас, а ёсць тыя, хто вывучае ўнутраны. Адны называюцца касманаўты, а другія – псіханаўты.

І тыя, і другія, як вы разумееце, былі створаны і прыўнеслі ў гэты свет шмат карысці не без удзелу Джа. Глядзіце фота з “касмічнага” канцэрта гурта.