Прыўкрасная Беларусь будучыні... Усе праблемы вырашаныя, а з нашых часоў засталася толькі шчырая любоў да подпісаў пад кожнай галапаперкай ды некалькі інстытуцый...

Але нягледзячы на поўную аўтаматызацыю грамадскіх працэсаў, праваабаронцаў усё роўна рыхтуюць – а раптам бездакорная сістэма аднойчы дасць збой, дык што тады рабіць?

Такім сюжэтам распачынаецца футурыстычны комікс “Кастусь і Марыя. Абаронцы з будучыні”. Так у фармаце комікса кампанія “Будзьма беларусамі!” імкнецца ў захапляльнай форме расказаць дзецям і падлеткам пра іхныя правы ў межах праекта “Маё права”.

Героі комікса – Кастусь і Марыя, жыхары далёкай будучыні, дзе Беларусь – гэта ідэальная і ўзорная краіна. Усе праблемы даўно вырашаныя, ад нашых часоў засталася толькі шчырая любоў да бюракратыі.

Кастусь і Марыя вучацца разам у Мінскім універсітэце на праваабарончай дзейнасці. Але ж як ім практыкавацца, калі ў іхную эпоху праблемы з правамі страцілі актуальнасьць? Адказ просты: трэба выпраўляцца ў мінулае, то бок у пачатак ХХІ стагоддзя! Менавіта там Кастусь і Марыя будуць вырашаць рэальныя выпадкі парушэння правоў і… весяліцца!

Першае заданне – абараніць простага школьніка ад уварвання ў асабістую прастору, якое практыкуе надзвычай экстравертная настаўніца.

Як нашы героі будуць выпраўляць памылкі і несправядлівасці мінулага? Якое ў іх уяўленне пра нашу эпоху? Ці пасябруюць яны? Чым скончыцца гэтая гісторыя? Сачыце за працягам у нашым інстаграме – менавіта там будуць з’яўляцца наступныя выпускі.

Другі выпуск:

Трэці выпуск:

Чацьверты выпуск:

Шосты выпуск:

Сёмы выпуск:

Восьмы выпуск:

Дзявяты выпуск:

Дзясяты выпуск:

Адзінаццаты выпуск:

Дванаццаты выпуск:

Выхад першага выпуску комікса прымеркаваны да Дня правоў чалавека, які штогод адзначаюць ва ўсім свеце 10 снежня. Менавіта ў гэты дзень у 1948 годзе была прынятая Усеагульная дэкларацыя правоў чалавека.

Аўтарамі гісторый пра Кастуся і Марыю выступілі журналіст Лаймуціс Сакалоў, які напісаў сцэнары, і мастак Філіп Какоша, які зрабіў ілюстрацыі.

Нагадваем, што праект “Маё права” ад кампаніі “Будзьма беларусамі!” закліканы пашырыць веды пра свае правы ды магчымасці ў дзяцей малодшага школьнага ўзросту і падлеткаў.

Сачыце за нашымі публікацыямі ў Telegram, Facebook, Вконтакте ды Twitter!