10 лютага ў 19:00 па варшаўскім часе Кракаўскі інстытут культуры «Віла Дэцыюша» ладзіць анлайн-сустрэчу з Андрэем Хадановічам з нагоды выхаду кнігі ягоных вершаў «Фантомныя радасці» ў польскім перакладзе (пераклад Адама Паморскага, выдавецтва «Pogranicze»).
Трансляцыя будзе адбывацца на старонцы Вілы Дэцыюша ў фэйсбуку і працягнецца паўтары гадзіны.
«Фантомныя радасці» — гэта зборнік з 70 твораў, у якіх адлюстроўваюцца ўсе перыяды творчасці паэта, ад махлярскай іроніі ранніх вершаў да метрычнай сцісласці апошняга шчымлівага цыклу вершаў мяжы 2020 і 2021 г.
Вядоўца сустрэчы — польскі паэт і журналіст Войцех Бановіч.
Размова будзе весціся па-польску, а чытанне вершаў і спевы — па-беларуску.