Ліда добра вядомая і мясцовым беларусам, і турыстам як велічным замкам Гедыміна, так і адным з найлепшых вытворцаў напою з хмелю і соладу. Жыхары горада маюць магчымасць штодня любавацца старажытнымі вулачкамі, а госці – пазнаёміцца з мясцінамі, дзе калісьці адбываліся вялікія гістарычныя падзеі. А што яшчэ можа стаць цікавым і самім гараджанам, і гасцям?
Кірмаш праектаў – гэта спосаб прадэманстраваць публічна сваю даўнюю ці свежапрыдуманую ідэю, каб зрабіць горад больш разнастайным, утульным, насычаным цікавымі сустрэчамі і падзеямі; горад, з якога не хацелася б з’язджаць ніколі.
Маеце ідэі?
Грамадская культурніцкая кампанія “Будзьма беларусамі!” і Цэнтр даследавання грамадскага кіравання SYMPA абвяшчаюць конкурс культурніцкіх і сацыяльных ідэй “Кірмаш праектаў” і прапануюць абмеркаваць іх разам!
Кірмашы праектаў мы ладзім па ўсёй краіне, і ў кожным горадзе яны спрыяюць з’яўленню новых адметных ідэяў. А дзякуючы публічнасці робяцца рэчаіснасцю.
Кірмаш праектаў – гэта магчымасць падзяліцца сваёй ідэяй і натхніць іншых людзей разам яе рэалізаваць.
Як адбываецца Кірмаш?
Этап 1. Збор ідэяў
Удзельнічаць у конкурсе можа любы ахвочы незалежна ад статусу і ўзросту. Дастаткова падаць заяўку і апісаць ідэю, якая ідзе на карысць Лідзе і яе жыхарам.
Ідэю трэба прадставіць у фармаце прэзентацыі PowerPoint і аналагічных з указаннем наступных звестак:
– інфармацыю пра аўтараў (прозвішча, імя, арганізацыя, назва праекта, кантактны нумар тэлефона);
– назву ідэі/праекта;
– мэту і сутнасць ідэі;
– чаму і каму гэта неабходна;
– калі і дзе ідэя мусіць рэалізавацца;
– якія рэсурсы вы ўжо маеце і якія – шукаеце? (каманда, партнёры, бюджэт).
Даслаць ідэю трэба да 20 лютага ўключна на [email protected] з пазнакай “Кірмаш праектаў-Ліда”.
Этап 2. Публічная прэзентацыя праектаў, дзе ВЫ ЗМОЖАЦЕ:
– распавесці пра сваю ідэю шырокай і невыпадковай аўдыторыі (афіцыйныя асобы, грамадскія актывісты, прадстаўнікі бізнесу, турызму і іншыя зацікаўленыя);
– атрымаць парады экспертаў і народную ацэнку свайго праекта;
– знайсці партнёраў, валанцёраў, пляцоўкі і рэсурсы для рэалізацыі вашай ідэі;
– пазнаёміцца з іншымі цікавымі і ініцыятыўнымі людзьмі свайго горада;
– натхніць сваім прыкладам тых, хто таксама мае файныя ідэі, але пакуль не асмеліўся выйсці з імі на публіку.
Этап 3. Адбор і абвяшчэнне пераможцаў
Пасля выніковай імпрэзы экспертная рада конкурсу адбярэ найбольш цікавыя праекты з канкрэтнымі крокамі па рэалізацыі, новымі падыходамі да вырашэння праблем і культурна-сацыяльным кірункам. А таксама акажуць усю магчымую дапамогу: ад кансультацый да рэалізацыі.
Парады па афармленні ідэі:
Ёсць пытанні?
Мы адкажам: [email protected], (29) 7843221, (29) 1068594.
Чакаем вашых ідэй!
Разам да справы!
“Кірмаш праектаў” – месца, дзе аўтары культурніцкіх прапановаў сустракаюцца з экспертамі і гараджанамі.
Як адбываліся Кірмашы ў іншых гарадах: Віцебск, Маладзечна, Бабруйск.
