У міжнародны дзень моладзі, 12 жніўня, у Вільні пройдзе RADA Market. Яго арганізатары абяцаюць зарад энергіі, натхнення і новыя веды. На кірмашы можна будзе пазнаёміцца з дзейнасцю беларускіх арганізацый і ініцыятыў, паўдзельнічаць у актыўнасцях і інтэрактывах, а таксама дазнацца пра творчасць беларускіх рамеснікаў ды рамесніц і набыць іх вырабы.
Фота: rada.fm
Далучайцеся да RADA Market і акуніцеся ў хвалюючы свет актывізму, творчасці і культуры Беларусі. Гэта падзея не толькі дасць вам магчымасць пазнаёміцца з праектамі і ініцыятывамі, але і натхніць на актыўны ўдзел у жыцці грамадства. Прыходзьце, каб разам ствараць лепшую будучыню!
Праграма:
- 12:00-17:00 — Кірмаш сацыяльных ініцыятыў і рамеснікаў_ніц
-
17:00 — Аўкцыён у падтрымку палітвязніц з Мікітай Бялевічам
-
18:00 — Stand up
-
19:30 — Музыка і атмасфера ад Stereobeaver і KZV
З кім будзе магчымасць пазнаёміцца падчас маркета?
Фота: rada.fm
А што наконт рамеснікаў і рамесніц?
І галоўнае — будуць актыўнасці і пляцоўка для дзяцей! Прыходзьце ўсёй сям’ёй, ніхто з вас не будзе сумаваць, абяцаюць арганізатары.
Таксама ўсе ахвотныя могуць паўдзельнічаць у майстар-класах і намаляваць акварэллю «Вольную паштоўку», зрабіць мікра-зін або сшыць ляльку-анёла. Падрабязнасці і кароткую рэгістрацыю на воркшопы шукайце па спасылцы.
Будуць рады бачыць беларусаў_ак, літоўцаў_вак, украінцаў_нак, а таксама іншых жыхароў і гасцей Вільні. Скарыстайцеся магчымасцю больш даведацца пра актывізм і культуру Беларусі.
Калі: Субота, 12 жніўня 2023 г.
Дзе: Vytenio g. 6,
teatras «Vilniaus klasika»
Уваход вольны
Больш беларускіх падзеяў шукайце ў нашай Афішы.
