Сёння дзень нараджэння за кратамі адзначае беларускі філосаф і метадолаг Уладзімір Мацкевіч. У Варшаве адбываецца прэзентацыя яго новай кнігі «Свабода і мысленне. Эсэ пра грамадзянскую супольнасць».
На сустрэчы агучваюць фрагменты кнігі, выступы беларускіх і польскіх інтэлектуалаў, культурных і грамадзянскіх актывістаў.
Трансляцыю прэзентацыі можна паглядзець па спасылцы.
Уладзімір Мацкевіч з 4 жніўня 2021 года знаходзіцца ў беларускай турме. Ён трапіў туды за свабоднае мысленне, грамадзянскую актыўнасць і сваю настойлівасць. Прэзентацыя кнігі адбываецца ў межах кампаніі # философ_в_тюрьме.
Гэта зборнік публікацый аўтара ў фэйсбуку ў снежні 2019 — студзені 2020 гг. Яны рабіліся на завяршэнне грамадскай кампаніі «Свежы вецер» і ёсць асэнсаваннем актуальнага стану беларускай грамадзянскай супольнасці.
Флэшмоб у падтрымку Мацкевіча
Да 20 траўня арганізатары прапануюць раздрукаваць фігурку, фота, цытату ці кніжку Мацкевіча, размясціць іх у асяродак, які, на вашу думку, спрыяе мысленню, сфатаграфаваць гэтую кампазіцыю і апублікаваць у сацсетках пад хэштэгам #день_рождения_мацкевича.
Самыя цёплыя віншаванні арганізатары абяцаюць перадаць Уладзіміру.
Лістуйце філосафу на адрас: СІЗА-1, 220030, г. Мінск, вул. Валадарскага, 2 Мацкевічу Уладзіміру Уладзіміравічу
