Калі вы раптам яшчэ не вызначыліся, як цікава і з карысцю правесці выходныя, мы падкажам. Сямейны фэст, выстава, майстар-клас і восеньскі шпацыр у гарадах Беларусі, вулічны канцэрт у Беластоку, паказ фільма ў Бостане — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
Сямейны фэст у Сёмкаве
Будуць квіз з удзелам літаратурных ды міфалагічных персанажаў, лекцыя пра радавод для дарослых і вырошчванне сямейнага дрэўца для дзетак. А таксама танцы ды майстар-клас па вырабе лялек-мотанак і многае іншае.
Падрабязней тут.
Выстава Валерыя Славука «Пачвары, легенды i міфы» ў Мінску
Жадаеце паглядзець на аўтэнтычныя вобразы беларускага фальклору, адлюстраваныя ў сучасным мастацтве? Завітвайце на выставу Валерыя Славука.
Гомель
Майстар-клас па гліняных свістульках у Гомелі
Філіял Веткаўскага музея ў Гомелі зноў ладзіць дужа папулярны майстар-клас па лепцы з гліны. І гэтым разам будуць рабіць гліняныя свістулькі!
Гродна
Восеньскі шпацыр па Гародні
Вас чакаюць самыя цікавыя і невядомыя факты аб Гродне, загадкі гістарычнага цэнтра горада, таямніцыі спадчына шляхетных уладароў.
Польшча
Беласток
Вялікі вулічны беларускі канцэрт у Беластоку
15 кастрычніка, прыходзьце да ратушы на вялікі беларускі канцэрт. Будуць граць:
23:34, BELARUSIAN TRUESTORY, Ігар Палынскі з SUMAROK.
Падрабязней тут.
Шчэцін
Святлана Бень у Шчэціне
Падрабязней тут.
ЗША
Бостан
Паказ фільма «Белае сонца чырвонага лета» ў Бостане
Беларусы Бостана ладзяць паказ дакументальнага фільма «Белае сонца чырвонага лета», прысвечанага беларускім пратэстам: барацьбе беларусаў за свабоду і наступствам рэпрэсій і тэрору, якія разгарнуліся ў краіне.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Слонімшчыны«Слава Воршы ўжо ня горша». Што паглядзець у легендарным беларускім горадзе?
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
