Калі вы раптам яшчэ не вызначыліся, як цікава і з карысцю правесці выходныя, мы падкажам. Майстар-класы, гонка, супольныя спеўкі ў гарадах Беларусі, монаспектакль у Вільні, гістарычны квэст у Беластоку — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
Майстар-клас па выцінанцы ад Наталлі Сухой у Мінску
Жадаеце сваімі рукамі стварыць карункавы партрэт катка пад далікатным кіраўніцтвам спадарыні Наталлі Сухой? Завітвайце на майстар-клас!
Трэйлавая гонка «Шляхам Якуба Коласа» ў Акінчыцах
Спаборніцтвы пройдуць у маляўнічых месцах: высокі бераг ракі Нёман, найпрыгажэйшыя лясныя дарогі Акінчыц (радзімы Якуба Коласа), Смольні, апетыя беларускім песняром у многіх творах. Траса пракладзеная міма мемарыяльных сядзіб музея Якуба Коласа.
Джазавы духавы квінтэт на сядзібе Янушкевічаў у Ракаве
Абяцаюць творы Дэйва Брубека, Майка Маўэра, Чыка Корыя!
Гомель
Майстар-клас па саламяных павуках у Гомелі
Свайго асабістага павука, які будзе забяспечваць дабрабыт вашай сям’і і ахоўваць хату ад нячыстай сілы, вы можаце стварыць уласнаруч на суботнім мастар-класе.
Супольныя спеўкі ў Гомелі
На спеўках можна будзе паспяваць разам беларускія песні, адчуць моц свайго голасу ды атрымаць асалоду ад сутворчасці з аднадумцамі.
Віцебск
«Сны Синей Собаки» граюць канцэрт у Віцебску
Аўтары незабыўных песень пра аматара галубцоў і крабаў-салдафонаў, едзе ў Віцебск з вялікім пост-панк канцэртам.
Літва
Вільня
KETEVAN з монаспектаклем «Маналог Мэрылін Манро» ў Вільні
Абяцаюць цёплы творчы вечар музыкі, паэзіі ды віна (віно ды іншыя ўлюбёныя напоі прыносьце з сабой — дазваляюць).
Польшча
Беласток
Гістарычны квэст «Шляхамі Францыска Скарыны» ў Беластоку
Прыходзьце ўзгадаць і натхніцца жыццёвым шляхам Францыска Скарыны ў інтэрактыўнай гульні паводле гістарычных падзей і жыццёвага шляху славутага земляка. Абяцаюць заданні складаныя і не вельмі — і мноства цікавостак.
Варшава
Беларуска-ўкраінскі вечар харавой музыкі «Галасы за мір» у Варшаве
Беларускі «Concordia Choir» пад кіраўніцтвам Галіны Казіміроўскай ды ўкраінскі камерны хор «Sofia» пад началам Алесіа Шамрыцкага заспяваюць беларускай і ўкраінскай музыкі ды твораў замежных кампазітараў.
Адкрыццё беларускай кніжнай выставы ў Варшаве
З нагоды адкрыцця будзе прэзентацыя кнігі паэзіі Ганны Янкуты «Канстытуцыя». Таксама выступіць літаратуразнаўца Васіль Дранько-Майсюк.
Вялікабрытанія
Лондан
Майстар клас па вышыўцы ў Лондане
Скарынаўская бібліятэка запрашае на файны майстар-клас па беларускай традцыйнай вышыўцы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Лунінеччыны
7 цудаў Шаркаўшчыны: гайд ад «Будзьма!»
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
