Першыя заняткі наведала 110 чалавек!
Курсы “Мова нанова” адкрыліся ў Гародні! Ініцыявала адкрыццё курсаў грамадская арганізацыя “Трэці сектар”, вядоўцамі гарадзенскіх курсаў сталі Ігар Кузьмініч і Вольга Астроўская. Першыя заняткі прайшлі 14 сакавіка па адрасе Будзёнага, 48а. Слухачоў сабралася каля 110 чалавек! Правялі заняткі выкладнікі менскіх курсаў Алеся Літвіноўская і Глеб Лабадзенка. Самае каштоўнае, паводле арганізатараў, што сярод слухачоў яны пабачылі вельмі шмат новых асобаў, якія не хадзілі раней на падобныя мерапрыемствы.
Відэа з першых заняткаў:
Заняткі адбыліся і будуць адбывацца пры падтрымцы грамадскай культурніцкай кампаніі “Будзьма беларусамі!”.
Сачыце за абвесткамі ў суполцы гарадзенскай “Мовы нановы”