Каманда “Litwins Minsk” у 2016 годзе будзе ўдзельнічаць у Прэм’ер-дывізіёне Лігі амерыканскага футбола — турніры, які аб’яднаў лепшыя клубы Расіі і Беларусі.
- 9 мая ў Мінску “Літвіны” адкрыюць сезон гульнёй супраць маскоўскай каманды “Юнайтад”.
- 6 чэрвеня сталіцу Беларусі наведае каманда з Санкт-Пецярбурга “Грыфоны” — дзеючыя чэмпіёны Расіі.
- 18 чэрвеня Мінск упершыню наведае каманда з Яраслаўля “Рэбелс”.
- А 16 ліпеня на гульню ў Мінск прыедуць “Маскоўскія мядзведзі”.
“Хлопцы будуць змагацца за медалі. Мы збіраемся паказаць, што амерыканскі футбол у Беларусі варты ўвагі грамадскасці і заўзятараў, і таму ўдзельнічаем у самым прэстыжным турніры на ўсёй постсавецкай прасторы. Ліга амерыканскага футбола — новы праект, мэтай якога будзе аб’яднаць усе лепшыя клубы Беларусі, Расіі, Прыбалтыкі і Украіны. Як хакейная КХЛ, толькі ў амерыканскім футболе. Па сутнасці, наша каманда ў гэтым годзе робіць новы крок да папулярызацыі беларускага спорту на міжнароднай арэне”, — заяўляе галоўны трэнер “Litwins” Аляксандр Куксо.
Акрамя таго, “Літвінаў” чакае серыя выязных гульняў у Маскве (21 мая — “Спартанцы”, 2 ліпеня — “Патрыёты”) і Падольску (30 ліпеня — “Віцязь”). Пасля завяршэння рэгулярнага чэмпіянату (7 гульняў), каманды, якія занялі лепшыя месцы ў сваіх дывізіёнах, сустрэнуцца ў гульнях плэй-оф на выбыванне і вызначаць чэмпіёна ЛАФ 2016.
Даведка
Камандзе “Літвіны” 5 гадоў. За гэты час гульцы сталі двухразовы чэмпіён Усходняй Лігі амерыканскага футбола (2014, 2015 гг.) І двухразовы ўладальнік срэбных медалёў Усходняй Лігі амерыканскага футбола (2012, 2013 гг.).
Хатнія гульні з удзелам “Літвінаў” будуць праходзіць на поле САК «Алімпійскі» (вул. Сурганава, 2а). За выязнымі гульнямі можна сачыць паводле Youtube-трансляцый.
Каляндар чэмпіянату і анонсы ўсіх гульняў публікуюцца на сайце ЛАФ і на нашых старонках у сацсетках (https://vk.com/minsk_litwins).
За дадатковай інфармацыяй звяртайцеся, калі ласка, да PR-мэнэджара Ксеніі Каравай па тэлефоне +375 29 567-87-36 або пішыце на litwins.by@gmail.com.
