Уздзеншчына – край таленавітых і ініцыятыўных людзей, пісьменнікаў, мастакоў, краяведаў. Адной са знакамітых асоб з’яўляецца княгіня, мецэнатка і асветніца Марыя Магдалена Радзівіл. У ліпені споўнілася 155-годдзе з дня яе нараджэння.
У гонар Магдалены Радзівіл 20 жніўня 2016 года а 16 гадзіне на пляцоўцы каля Палаца культуры ва Уздзе адбудзецца баль-рэканструкцыя канца 19 – пачатку 20 стагоддзя.
Гасцям і жахарам горада будзе дадзена магчымасць апынуцца на балі ў Магдалены, даведацца пра яе лёс, паспрабаваць патанчыць вальсы, кадрылі на майстар-класе, наведаць мастацкі салон, выставы і нават сфатаграфавацца з родзічамі, сябрамі і пісьменнікамі, якім Магдалена фінансавала выданне паэтычных зборнікаў.
Падчас свята ў межах кампаніі “Будзьма беларусамі!” адбудзецца выступ таленавітай спявачкі і музыканта Таццяны Матафонавай і віктарына для знаўцаў біяграфіі Магдалены Радзівіл. Пераможцаў чакаюць цікавыя падарункі ад кампаніі “Будзьма беларусамі!”
Уваход вольны!
Шчыра запрашаем!
