Міністэрства інфармацыі Беларусі папоўніла спіс кніг, распаўсюджванне якіх цяпер забаронена на тэрыторыі краіны. Паводле меркавання ведамства, гэтыя выданні «могуць нанесці шкоду нацыянальным інтарэсам». У абноўлены пералік увайшлі творы такіх вядомых аўтараў, як Чак Паланік, Том Вулф, Ру Муракамі, Энтані Бёрджэс і іншыя, піша «Наша Ніва».
«Тапаз» Ру Муракамі — адзін з твораў, прызнаных Мінінфармам шкоднымі
Усяго гэтым разам дададзена 31 назва, а ўвогуле спіс цяпер утрымлівае 141 пазіцыю. Сярод новадададзеных — «Невідзімкі» Чака Паланіка, «Семя жадання» Энтані Бёрджэса, «Экстаз» і «Тапаз» Ру Муракамі, «Электрапрахаладжальны кіслотны тэст» Тома Вулфа, а таксама іншыя творы, якія тычацца тэмаў гвалту, сэксуальнасці, сацыяльнай крытыкі ці іншага зместу, які, на думку Мiнiнфарма, можа быць патэнцыйна шкодным.
Калі гэтыя кнігі будуць выяўленыя ў продажы, Міністэрства пагражае ануляваць дзяржаўную рэгістрацыю выдаўца або распаўсюдніка, у адпаведнасці з законам «Аб выдавецкай справе».
