На музычна-забаўляльным фэсце «Тапа адпачывае», які адбудзецца 2-3 ліпеня ў абноўленым Urban Park Dreamland, арганізатары правядуць першы ў Беларусі чэмпіянат па паяданні гамбургераў. Музычнымі хэдлайнерамі фестывалю будуць Easy Dizzy (адзіны ў Расіі афіцыйны трыб’ют AC/DC) і Naviband, квіткі каштуюць ад 9,5 рублёў.
Чэмпіянаты па паяданні гамбургераў адбываюцца па ўсім свеце з 70-х гадоў. Варыянты спаборніцтва бываюць рознымі: на колькасць (рэкорд складае больш за 100 гамбургераў) і хуткасць (рэкорд – 5 гамбургераў за хвіліну). У Беларусі некалькі год таму была адна спроба правесці такое мерапрыемства, але замес гамбургераў удзельнікі чамусьці елі 1,5-кілаграмовыя сэндвічы. Пачатак спаборніцтваў 2 ліпеня з 18.00 на галоўнай сцэне.
– У нашым выпадку ўдзельнікі будуць есці сапраўдныя гамбургеры ад eburger.by, таму ўсё будзе як след. Спаборнічаць будуць тыя, хто выкажа жаданне на самой пляцоўцы. Колькасць месцаў абмежаваная, – распавядае Аляксей Падрэз, арганізатар фестывалю. – Мы разумеем, што да любой забавы трэба ставіцца адказна, таму абіраем менш траўматычны для арганізму варыянт – на хуткасць. На ўсялякі выпадак на пляцоўцы будзе дзяжурыць медыцынская брыгада.
Фестываль «Тата адпачывае» аб’яднае добрую музыку, смачную ежу і цікавыя забавы. Забавы і фудкорты (больш за 40 кропак) стартуюць у 12.00. У межах забаўляльнай праграмы ў абодва дні будзе прадстаўлены цалкам абноўлены набор атракцыёнаў Urban Park Dreamland, дзе на замену састарэўшым каруселям прыйшлі сучасныя атракцыёны дзеля актыўнага адпачынку: ад спартаўных пляцовак да квэстаў, ад лучнага бою да скаладрома. На фестывалі таксама будзе вялікая праграма майстар-класаў і варкшопаў, маркет адзення і аксэсуараў, забаўляльныя кропкі для дзяцей.
Музычная праграма стартуе бліжэй да вечара. У першы дзень – 2 ліпеня – будуць гучаць класічныя і сучасныя рок-хіты ў выкананні лепшых кавер-гуртоў Беларусі на чале з Easy Dizzy – адзіным у Расіі афіцыйным трыб’ютам AC/DC. У другі дзень – 3 ліпеня – перавага будзе аддадзеная лепшым хітам сучаснай поп-музыкі, а праграму будуць завяршаць БДА «Песняры» і героі «Еўрабачання 2017» Naviband.
Кошт квіткоў на гэты момант складае 9,5 рублёў і будзе падвышацца да 17 рублёў. Дзецям да 12 год уваход бясплатны. Продаж праз сайт Coverfest.by і сістэму Bezkassira.by. Пытанні, дадатковая інфармацыя – info@kitsolutions.by.
