Будзьма беларусамі! » «я прашу цябе, едзь адсюль, я прашу, бяжы!» Новы верш Насты Кудасавай

Паэтка Наста Кудасава размясціла на сваёй старонцы ў Фэйсбуку новы верш, вельмі шчымлівы, пра тое, што баліць зараз кожнаму беларусу.

я прашу цябе, едзь адсюль, я прашу, бяжы!
хоць адну душу ад пякельнае ночы выратуй!
гэта нашы, вер, ля дарогі стаяць крыжы,
гэта нам з табой свежы дол сярод пустак вырыты.

я прашу цябе, едзь, ратуйся, бяжы адсюль!
тут гадамі раскашавалі чужынцы-злодзеі,
апаганьвалі наш пачэсны пасад, пакуль
мы спявалі, спадзяваліся, карагодзілі...

я прашу, не раздумвай, не азірайся, едзь!
я не маю сіл глядзець, як мы не вынырваем,
як жывое нішчым, сцяўшыся пад павець,
як мы забываем, што такое быць шчырымі.

я прашу, зберажы чалавека ў сабе, з’язджай!
я ўжо не выдужваю гэты боль, не выплакваю...
тут самота, страх, немата, бедната і жаль
усё цягнуць і цягнуць народ мой вякоў клаакаю.

а пасля, калі вернуцца голас, любоў і слых,
калі зможам задыхаць нанова ў сусветным вэрхале,
тады ўстань, я прашу, ідзі і сведчы — пра тых,
што насуперак слабасці гэтых радкоў не з’ехалі.

Паглядзіце, як Наста Кудасава чытае свае вершы ў арт-праекце «Словы мацней»

«я прашу цябе, едзь адсюль, я прашу, бяжы!» Новы верш Насты Кудасавай

Апошняе
на Budzma.org

Пяць фільмаў, якія падораць летні настрой (лета ўжо блізка!)

Бубен Нарушэвіч і Байсан выпусцілі свой апошні альбом

Як стаць Героем Беларусі

Папулярнае

Выжывуць толькі каханкі

Стваральніца цудаў Вера Рыч

Настасся Рыдлеўская: «Нягледзячы на цяжкія сітуацыі, я шчаслівая»

Афіша

Выстава «Рай» у Віцебску

Выстава «Заснавальнік» ў Гомелі

Выстава «Брэстчына этнаграфічная» ў Брэсце

«я прашу цябе, едзь адсюль, я прашу, бяжы!» Новы верш Насты Кудасавай

Апошняе на Budzma.org

Папулярнае

Афіша

Апошняе
на Budzma.org