Упадабаны мінчукам і гасцям сталіцы, выстаўны праект «Мастак і горад» ізноў адкрыўся ў Мінску на плошчы Якуба Коласа 27 красавіка. Сёлета выстава праходзіць пад назвай «Залатая калекцыя беларускага жывапісу і графікі» і прадстаўляе працы 35 зусім розных беларускіх аўтараў. Пасля ўрачыстай цырымоніі адкрыцця ўсе ахвотнікі паўдзельнічалі ў своеасаблівай экскурсіі па экспазіцыі і праслухалі лекцыю пра сучаснае мастацтва ад экскурсавода Мікіты Моніча.
На працягу 4 месяцаў наведвальнікі змогуць убачыць працы Зоі Ліцвінавай, Гаўрыіла Вашчанка, Леаніда Хобатава і шматлікіх іншых яркіх прадстаўнікоў беларускага жывапісу і графікі. Такая колькасць мастакоў ніколі раней не выстаўлялася ў рамках праекта на плошчы Якуба Коласа. Прадстаўленыя працы адлюстроўваюць прыхільнасць беларускіх мастакоў і графікаў розным творчым поглядам і традыцыям. Менавіта таму выстава пад адкрытым небам сёлета асоба шырока прадставіць наведвальнікам свет беларускага мастацтва.
Як звычайна, апісанне, біяграфіі мастакоў і рэпрадукцыі суправаджаюцца тэкставым апісаннем на трох мовах – рускай, беларускай і англійскай. Гэта робіць знаёмства з яркімі прадстаўнікамі беларускага жывапісу даступным не толькі беларусам, але і гасцям краіны. Генеральным партнёрам праекта выступае банк ВТБ (Беларусь).
«Мы з вялікім задавальненнем з года ў год падтрымліваем гэтую выставу, якая стала па-сапраўднаму народнай і любімай. Чацвёрты год запар банк ВТБ выступіць генеральным партнёрам экспазіцыі. Галоўнай асаблівасцю праекта з’яўляецца яго даступнасць – на працягу некалькіх месяцаў тысячы людзей могуць атрымліваць асалоду ад лепшых ўзораў беларускага выяўленчага мастацтва ў самым цэнтры сталіцы», – адзначыў Сяргей Дарашэвіч, намеснік старшыні кіравання банка ВТБ (Беларусь).
Сёлета выстаўны праект «Мастак і горад» праходзіць у рамках Рэспубліканскай выставы сучаснага мастацтва, якая стане адной з самых важных падзей беларускай мастацкай арт-сцэны і прысвечана 130-годдзю з дня нараджэння Марка Шагала.
«Мастак і горад» рэалізуецца пры падтрымцы Міністэрства культуры Рэспублікі Беларусь і Мінскага гарадскога выканаўчага камітэта на працягу 6 гадоў. Бясплатна паглядзець на рэпрадукцыі прац яркіх прадстаўнікоў беларускага жывапісу і графікі можа любы ахвотнік да 9 верасня.
