Калі вы раптам яшчэ не вызначыліся, як цікава і з карысцю правесці выходныя, мы падкажам. Імпрэза «Прыйшла Каляда!» у Мінску, дзіцячы калядны баль у Мірскім замку, калядная сустрэча ў Гомелі, шчадроўкі ў Н’ю-Ёрку, Каляды з Маляванычам у Тбілісі, батлейка паводле жыцця і творчасці Уладзіслава Сыракомлі, Адама Міцкевіча і Альдоны ў Познані, майстар-класы, выставы, канцэрты — выбірайце падзеі ў сваім горадзе і на свой густ.
Беларусь
Мінск і Мінская вобласць
Мінск
Імпрэза «Прыйшла Каляда!» у Мінску
У суботу, 6 студзеня, «Беларуская хатка», што на Рабкораўскай, запрашае на імпрэзу «Прыйшла Каляда!».
Фальклорны ансамбль «Млынок» рыхтуе для вас:
Віншаванні калядоўшчыкаў
Абрад «Ваджэнне казы»
Калядныя гульні.
Майстар-клас «Зорка жаданняў» у Мінску (10+)
У суботу, 6 студзеня, у Нацыянальным цэнтры сучасных мастацтваў — файны калядны майстар-клас «Зорка жаданняў».
На майстар-класе ўдзельнікі створаць з пражы і кардонных нарыхтовак арыгінальную зорку, якую можна дапоўніць фатаграфіяй, карцінкай або маленькай паштоўкай і ўпрыгожыць свой дом або выкарыстоўваць у якасці падарунка.
А дапаможа ў стварэнні зорачкі дасведчаны мастак Руслан Сяргееў.
Гомель
Калядная сустрэча ў Гомелі
6 студзеня, у філіяле Веткаўскага музея — калядная сустрэча.
Раскажуць пра Раство Хрыстова, пра калядныя традыцыі, пакажуць батлеечны спектакль «Цар Ірад», а яшчэ прапануюць пашчадраваць!
Будзе цікава і дзеткам, і дарослым, таму прыходзьце ўсёй сям’ёй.
Мір
Дзіцячы калядны баль у Мірскім замку
У суботу, 6 студзеня, у Мірскім замку — дзіцячы калядны баль.
Запрашаюць кавалераў і дам ад 6 да 12 гадоў.
Удзельнікі балю не толькі атрымаюць урокі прыдворнага этыкету, пакажуць сваё майстэрства ў старадаўніх танцах, атрымаюць асалоду ад гульняў і загадаюць жаданні.
А напрыканцы балю кожнага ўдзельніка чакае падарунак.
Германія
Берлін
Сямейныя Каляды са Святланай Бень у Берліне
У нядзелю, 7 студзеня, беларусы Берліна святкуюць Каляды разам са Святланай Бень. Спадарыня Святлана прапануе павандраваць у часе і трапіць у чароўную калядную гісторыю «Дзверцы ў сэрца».
Будзеце майстраваць ляльку-казу і саламянага павука, размалёўваць святочныя пернікі. І, канешне ж, калядаваць, спяваць і вадзіць карагоды.
Грузія
Тбілісі
Каляды з Маляванычам у Тбілісі
6 студзеня, беларускія калядоўшчыкі завітаюць у тбіліскі «Philosof Club» у Тбілісі, назычаць вам шчасця, багацця і дабрабыту на ўвесь год наперад.
У праграме:
Калядкі з казой, мішкам і Маляванычам
Беларускія песні, танцы і вольны мікрафон
Смаколікі і напоі з адмысловага меню.
ЗША
Н'ю-Ёрк
Шчадроўкі ў Н’ю-Ёрку
У суботу, 6 студзеня, беларусы Н’ю-Ёрка ладзяць Шчадроўкі.
Былі часы, калі ў Беларусі хадзілі ад хаты да хаты калядаваць. Вадзілі з сабою казу ды мядзведзя, гучна спявалі песні, гулялі ды танчылі, частавалі адно аднаго прысмакамі.
То прыходзьце разам адзначыць вясёлыя святы, а таксама паказаць дзеткам прыгожыя і цікавыя традыцыі багатай беларускай культурнай спадчыны.
Вас чакаюць традыцыйныя калядныя аладкі з прысмакамі, Шчадроўкі, гульні, конкурсы, танцы, падарункі дзеткам ды абрад Жаніцьба Цярэшкі.
Калі можаце і жадаеце, прыносьце свае стравы да агульнага стала падзяліцца з калядоўшчыкамі ў шчодры вечар!
Калі ласка, апранайцеся святочна ці з элементамі беларускага арнаменту.
Канада
Таронта
Калядная ялінка ў Таронта
7 студзеня, Згуртаванне Беларусаў Канады і гурт «Яваровы людзі» ладзіць калядную ялінку ў Таронта.
Польшча
Навагодняя імпрэза ў Лодзі
6 студзеня, у Лодзі — імпрэза, прысвечаная калядным і навагоднім святам.
Пачніце год з вясёлага мерапрыемства ў коле аднадумцаў.
А 16-й пачнецца праграма для дзетак са святым Мікалаем і іншымі казачнымі героямі.
А ў 18.00 для дарослых зайграе навагодні канцэрт Алесь Лютыч, лідар гурта B:N:. Будзе ўтульны салодкі стол, таму прыносцьштосьці смачнае пад гарбатку/каву.
Познань
Батлейка паводле Уладзіслава Сыракомлі, Адама Міцкевіча і Альдоны ў Познані
У нядзелю, 7 студзеня, у Познані ладзяць батлейку паводле жыцця і творчасці Уладзіслава Сыракомлі, Адама Міцкевіча і Альдоны, князёўны літоўскай і каралевы польскай «Litwini w Poznaniu».
Больш беларускіх падзей шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў.
