Напярэдадні 104-годдзя з дня нараджэння беларускага пісьменніка, ураджэнца Хойнікшчыны Івана Мележа ў гарадскім парку на алеі «Ганаровыя грамадзяне Хойніцкага раёна» ўшанавалі імя класіка беларускай літаратуры, пішуць «Хойніцкія навіны».
Летась пісьменніку пасмяротна было прысвоена званне «Ганаровы грамадзянін Хойніцкага раёна», а сёлета адкрылі памятны знак.
Памятны знак класіку беларускай літаратуры ўсталявалі на рускай мове.
— Нам варта берагчы памяць пра чалавека, які сваёй творчасцю, любоўю да родных мясцін натхняў пакаленні беларусаў. Імя Івана Мележа носять вуліцы ў гарадах нашай краіны, школы, тэатр і музей. Сёння мы аддаём даніну павагі славутаму земляку, — адзначыла кіраўнічка раённага аддзялення партыі «Белая Русь» Людміла Рудчанка, якая адкрывала памятны знак.
