Сёння ня стала пісьменніка Міколы Гілевіча (псеўданім Мікола Гіль), роднага брата Ніла Гілевіча, паведамляе «Суполка беларускіх пісьменнікаў». Нарадзіўся 15 чэрвеня 1936 года.
У 1959 годзе скончыў філалагічны факультэт Беларускага дзяржаўнага ўніверсітэта. Працаваў рэдактарам перадач для дзяцей на Мінскай студыі тэлебачання (1960–1961), у часопісах «Родная прырода» (1972) і «Маладосць» (1972–1977). Большая частка працоўнай біяграфіі звязана з газетай «Літаратура і мастацтва» (1961–1972, 1977–2002; у 1990–1997 гадах галоўны рэдактар выдання).
У 2004–2008 гадах — галоўны рэдактар часопіса «Мастацтва». Час і месца развітання і пахавання ўдакладняюцца.
Спачуванні блізкім і сябрам творцы.