6 і 7 сакавіка у Музеі Вольнай Беларусі пройдзе пасяджэнне стратэгічнай сесіі Беларускай музейнай лабараторыі.

На гэтым мерапрыемстве чакаецца ўдзел некалькіх дзясяткаў спецыялістаў у сферы музейнай справы, культуролагаў, гісторыкаў. Пройдзе прэзентацыя такіх музейных ініцыятываў, як Дом Вольнай Беларусі ў Львове, Віленскага беларускага музея імя І. Луцкевіча, Беларускай бібліятэкі і музея імя Францішка Скарыны (Лондан), Музея Вольнай Беларусі ў Варшаве і некаторых іншых.

Сталая экспазіцыя Музея Вольнай Беларусі. Студзень 2025 г.

Сярод удзельнікаў Беларускай музейнай лабараторыі сваю прысутнасць пацвердзілі такія вядомыя дзеячы культуры, як Святлана Курс, Сяргей Будкін, Вольга Кліп, Кацярына Ваданосава, Мікіта Моніч (анлайн), Вольга Архіпава

і іншыя.

Мэтай правядзення музейнай лабараторыі з’яўляецца аб’яднанне беларускіх спецыялістаў і экспертаў у сферы музейнай дзейнасці, культуралогіі, гісторыі, захавання спадчыны, што знаходзяцца ў выгнанні, у супольнасць з устойлівымі прафесійнымі сувязямі. Асаблівая ўвага будзе надавацца пытанням стратэгічнага развіцця, камунікацыі, захавання культурных каштоўнасцяў і праблем інтэграцыі ў еўрапейскі кантэкст ва ўмовах эміграцыі беларускай культуры.

Мерапрыемства пройдзе 6 і 7 сакавіка ў Музеі Вольнай Беларусі, Варшава, вул. Фоксаль 11.

Сталая экспазіцыя Музея Вольнай Беларусі. Студзень 2025 г.

Праграма стратэгічнай сесіі Беларускай музейнай лабараторыі

6 сакавіка 2025 г.

Варшава, вул. Фоксаль 11 — 1. Музей Вольнай Беларусі

Фармат удзелу: Off-line i online

10.30 — 11.00 Рэгістрацыя.

11.00 — 11.10 Уступнае слова дырэктаркі Музея Вольнай Беларусі Наталлі
Задзяркоўскай.

11.10 — 12.00 Знаёмства з удзельнікамі сесіі і кароткая самапрэзентацыя (да 2 хвілін).

Дыскусія «Музей як платформа для нэтворкінга».

Пытанні для абмеркавання:

Што можа сабой уяўляць Беларуская музейная лабараторыя, яе магчымае значэнне для беларускай прафесійнай музейнай супольнасці — ідэі і прапановы.

Як мы можам звязаць паміж сабой тых, хто ў Беларусі і тых, хто ў эміграцыі?

Культурная і гістарычная спадчына ва ўмовах эміграцыі — актуальныя
практыкі, праблемы і перспектывы.

15.00 — 17.00

Прэзентацыйная панэль.

Дзейнасць Дома Вольнай Беларусі ў Львове.

Прэзентацыя Віленскага беларускага музея імя І.Луцкевіча.

Прэзентацыя Музея Вольнай Беларусі — вынікі трох гадоў працы ў святле сацыялагічных дадзеных.

«Варшаўскі шпацыр».

Ініцыятыва «Народны музей».

7 сакавіка 2025 года

Варшава, вул. Фоксаль 11 — 1. Музей Вольнай Беларусі

11.00 — 14.00

Прэзентацыя Беларускай бібліятэкі і музея імя Францішка Скарыны (Лондан).

Праектаванне Беларускай музейнай лабараторыі.

Абмеркаванне Канцэпцыі Беларускай музейнай лабараторыі.

Распрацоўка дарожнай мапы для рэалізацыі праекта Беларускай музейнай
лабараторыі.

15.00 — 16.00

Падвядзенне вынікаў пасяджэння Беларускай музейнай лабараторыі.

Пасля 16.00

Культурная праграма:

Dom Spotkań z Historią, знаёмства з музеем.