Каб паклікаць вясну сур’ёзна і плённа — трэба добра падрыхтавацца. Важная абрадавая частка «Гукання вясны» — песні і карагоды. І музей дапаможа гамяльчанам і гасцям горада стаць не проста гледачамі, а сапраўднымі ўдзельнікамі мерапрыемства.
1 красавіка адбудзецца і сам традыцыйны абрад. Яго ўдзельнікі адправяцца на бераг Сожа, праспяваюць разам традыцыйныя вясновыя песні, павадзяць карагоды, пачастуюцца абрадавым печывам і, вядома, спаляць пудзіла зімы разам са старымі рэчамі — як увасабленне таго, з чым хочацца развітацца з надыходам вясны. Дапаможа гукаць вясну фальклорны калектыў «Стаўбунскія вячоркі » з вёскі Стаўбун Веткаўскага раёна.
