Дазваляць выяжджаць ці не — будзе вырашаць Міністэрства адукацыі. Яно апублікавала пастанову з патрабаваньнямі да кандыдатаў, піша «Радыё Свабода».
Архіўнае фота
Мінімальныя крытэры для маладых людзей, што сабраліся вучыцца за мяжой, наступныя:
- вучыцца ў беларускай установе,
- ведаць замежную мову ў патрэбным для навучаньня аб’ёме,
- мець сярэдні атэстат не ніжэй за 8,
- не падлягаць прызыву ці мець адтэрміноўку,
- адпавядаць іншым умовам, зьвязаным з спэцыфікай атрыманьня адукацыі ў замежных арганізацыях (якім — у пастанове не тлумачыцца).
Яшчэ трэба трапіць у сьпісы ВНУ і адукацыйных структур абласных ці сталічнага выканкамаў.
У гэтых сьпісах для кожнага кандыдата павінна быць:
- абгрунтаваньне мэтазгоднасьці накіраваньня на вучобу за мяжой,
- характарыстыка асабістых і маральных якасьцяў,
- інфармацыя пра посьпехі ў вучобе і навуцы.
Таксама кожны юнак ці юначка мусіць напісаць расьпіску з абяцаньнем вярнуцца ў Беларусь, вынікае з пастановы.
