У судзе Цэнтральнага раёна Мінска пачнецца разгляд справы палітзняволенай журналісткі і рэдактаркі «Новага Часу» Аксаны Колб. Пачатак ў 12:30. Вядзе працэс суддзя Карсюк Дзмітрый, вядомы па шэрагу палітычных спраў, паведамляе тэлеграм-канал выдання.
Нагадаем, Аксану Колб затрымалі 20 красавіка. Група сілавікоў са шчытамі і кувалдамі прыехала ў кватэру, дзе яна жыве. Яны паведамілі, што забіраюць нашу калегу на допыт у СК.
У выніку была заведзеная крымінальная справа па ч.1 арт. 342 КК РБ (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Прысуд агучаць у 14:30. Аксана Колб ад апошняга слова адмовілася.
