У мінулую пятніцу журы намінацый «Дызайн» і «Этыкетка і ўпакоўка» вызначылі фіналістаў фестывалю.
У намінацыі «Дызайн», які ў класіфікацыі фестывалю абазначаецца лацінскай літарай «С», было даслана большасць працаў. Яны былі размеркаваныя па наступных катэгорыях:
1. Постэр і буклет (С1),
2. Лагатып і знак (С2),
3. Фірмовы стыль (С3),
4. Каляндар (С4),
5. Паштоўка і запрашальны ліст (С5),
6. Сувенірная вытворчасць (С6),
7. Вокладка (С7).
Працы ацэньваліся паводле наступных крытэраў:
Выкарыстанне беларускай мовы
* адпаведнасць мэтам і задачам камунікацыі
* прыгажосць мовы/«эстэтычнасць» фразы/ мілагучнасць
Прафесійны ўзровень працы
* абавязковае выкарыстанне ў працы актуальнай (візуальнай) культуры
* замацаванне існуючых актуальных трэндаў у пабудове камунікацыі і дызайне, альбо фармаванне новых трэндаў, якія спрыяюць росту візуальнай культуры ў Беларусі
* тэхнічны ўзровень рэалізацыі працы
Арыгінальнасць працы
Наяўнасць so-called «іскрынкі», нечага адметнага , неардынарнага ў камунікацыі, падачы, выкананні, альбо поўная шэрасць, пазычаная ідэя і інш.
Працы, якія ўвайшлі ў шорт-ліст намінацыі «Дызайн»
С1-2 Буклеты да памятных манет Нацыянальнага банка Рэспублікі Беларусь серыі «Святы і абрады беларусаў, Заскевіч Святлана.
С2-9 Лагатып Нацыянальнага гістарычнага музея, дызайн-студыя «Дэйлі». Дызайн — Святлана Татарнікава.
С2-10 Лагатып брэнду «Крыніца», Студыя Яна Карпава.
Крэатыўны дырэктар — Ян Карпаў, арт-дырэктар і дызайнер — Дзяніс Срабракоў, менеджар праекту — Дар’я Сямёнава.
С2-13 Лагатып кафэ «Бульбяная»
С3-1 Інтэрактыўнае тэлебачанне ZALA, РА «Фоліо-Арт»
С3-2 Музычны інтэрнэт-партал «Тузін Гітоў», рэкламная група «Адліга». Аўтары: Аляксандр Наважылаў, Анатоль Лазар.
С4-3 Каляндар «Мастацтва футболу»: сумесны праект «Альфа-банка», Беларускай федэрацыі футболу і беларускай зборнай па футболе. РА «Францыск-група».
С5-6 Серыя паштовак, прысвечаных гораду Мінску, «11 сініх паштовак пра Мінск», Кульбіцкі Аляксей.
С5-7 Серыя паштовак, прысвечаных гораду Мінску, «Горад, Шпацыр, Словы». Заскевіч Святлана.
С5-8 Навагодняя паштоўка Галерэі сучаснага мастацтва «Ў» — «Ў-тыгр»
С6-3 Серыя дызайнерскіх футболак «Пазнай сваю!», рэкламная група «Адліга». Аўтары: Артур Вакараў, Аляксандр Наважылаў, Анатоль Лазар.
С6-5 Серыя нататнікаў «Натхняйся беларускім». Аўтары: Артур Вакараў, Анатоль Лазар, Васіль Фешчанка.
С6-6 Серыя сувеніраў «Беларусь — маё шчасце!» (кубкі, магніты), агенцтва «Каляровы парасон». Аўтары: Сокал В.А., Леснікова Л.А., Васілеўскі С.І.
С6-7 Майка «За Беларусь»
С7-1 Вокладка да кнігі «Інтэрв’ю, якіх не было», рэкламная група «Адліга»
Аўтар – Артур Вакараў
С7-2 Афармленне музычнай кружэлкі «Прэм’ер Тузін» 2008 году, рэкламная група «Адліга».
Аўтары: Артур Вакараў, Анатоль Лазар, Ігар Назаранка.
С7-5 Афармленне кружэлкі музычнага праекту «Белая яблыня грому», Ігар Назаранка.
Ідэя: Ігар Назаранка, Лявон Вольскі, Ганна Вольская, ілюстрацыі: Лявон Вольскі, дызайн: Ігар Назаранка, капірайт: Глеб Лабадзенка.
Працы якія ўвайшлі ў шорт-ліст намінацыі «Этыкетка і ўпакоўка».
D9 Прадукцыя кампаніі «Крыніца», Студыя Яна Карпава.
Крэатыўны дырэктар — Ян Карпаў, арт-дырэктар і дызайнер — Дзяніс Срабракоў, менеджар праекту — Дар’я Сямёнава.
D11 Упакоўка серыі настоек «MARAZULA» кампаніі «БЕЛПІ — Беларускае пітво»
Склад журы па кожнай з намінацый Фестывалю беларускамоўнай рэкламы і прамоцыі Adnak! можна паглядзець на старонцы фестывалю. У найбліжэйшы час з’явяцца шорт-лісты па астатніх намінацыях фестывалю.
Нагадваем, што ўрачыстая цырымонія ўзнагароджання, на якой будуць названыя пераможцы, адбудзецца 7 ліпеня ў галерэі сучаснага мастацтва «Ў», якая знаходзіцца па адрасе: пр-т Незалежнасці, 37А. Пачатак а 17-й гадзіне. Напярэдадні цырымоніі ўзнагароджання ў 15:30 пройдзе прэс-канферэнцыя, на якой арганізатары падвядуць першыя вынікі фестывалю Adnak!
