Колькі падарункаў пацягне конь? Колькі загрузіць скрыняў на карабель, каб не пайсці на дно? Як і чым узважыць карову, машыну альбо багоўку? Адказы на гэтыя пытанні дзеткі даведаюцца, паглядзеўшы новы выпуск адукацыйнага відэа-праекта «Разумняты». Як вы ўжо здагадаліся, тэма выпуска — вага.
А для самых кемлівых мы падрыхтавалі цікавыя заданні па тэме, якія можна раздрукаваць, спапаваўшы дадатак па спасылцы.
Памятайма, што б ні здаралася ў свеце дарослых, важна, каб дзеткі не былі пазбаўленыя забавак, цікавостак і новых ведаў.
«Разумняты» — гэта цыкл інтэрактыўных пазнавальных відэаролікаў, якія ў займальнай форме знаёмяць дзетак з навакольным светам на роднай мове.
Ролікі выходзяць на ютуб-канале «Будзьма» шточацвер а 18:00 па беларускім часе. Падпісвайцеся, каб не прапусціць!
Вучыцца на роднай мове цікава і прыемна. Дайце сваім дзеткам шанец зразумець гэта.
Праект «Разумняты» разлічаны на ўзрост 5-9 год, а гэта, як вядома, самы спрыяльны час для вывучэння мовы. Цыкл нашых заняткаў пашырыць моўнае асяроддзе вашых дзетак, да ўсяго — гэта якасная альтэрнатыва мульцікам і кампутарным гульням.
- выхавацелям дзіцячых садкоў у працы са старэйшымі дашкольнікамі
- настаўнікам пачатковых класаў як дадатковы навучальны матэрыял;
- настаўнікам беларускіх школ і гурткоў беларускай мовы ў замежжы;
- дзеткам і іх бацькам для прагляду дома ў Беларусі, і тым больш у замежжы.
Глядзіце, натхняйцеся і дзяліцеся відэаролікамі.
Наша будучыня за нашымі дзецьмі!
Гадуем сапраўдных беларусаў разам з «Будзьма!»
Першы выпуск відэапраекта «Разумняты» глядзіце па спасылцы.
Да новых сустрэч! Да новых адкрыццяў!
