Сезон працы гарадскіх фантанаў у Мінску стартуе 28 красавіка, паведаміў сайту «Мінск-Навіны» галоўны інжынер «Мінсквадаканал» Руслан Касевіч. Усе яны ўжо раскансерваваныя, адрэгуляваныя, ачышчаныя і гатовыя радаваць мінчукоў і гасцей сталіцы.
З раніцы брыгады ўчастка па эксплуатацыі фантанаў запусцяць рукатворныя гейзеры ў адпаведнасці з вызначаным на гэты сезон рэжымам працы.
Большасць фантанаў пачнуць працаваць па буднях з 11:00 да 21:00. Зрэшты, некаторыя з іх — з 10:00. Напрыклад, фантаны «Сталіца» на пл.Незалежнасці, «Спадчына» на пл. Свабоды, «Беларусь партызанская» на скрыжаванні пр. Партызанскага і вул. Варвашэні. Фантан ля будынка Вярхоўнага Суда будзе радаваць гульнёй бруй з 9:00 да 21:00. Графік некаторых рукатворных гейзераў будзе распачынацца з 11:00 і з 12:00.
Самы відовішчны фантан, «Свіслач», які дэманструе святламузычныя шоў над воднай роўняддзю аднайменнай ракі паблізу парку ім. Купалы, будзе працаваць з 16:00 да 23:00 штодня.
Аматарам водных канцэртаў варта звярнуць увагу на рэжым працы фантанаў. Некаторыя рукатворныя гейзеры ў выхадныя і святочныя дні будуць радаваць гараджан і гасцей сталіцы да самай паўночы.
На абслугоўванні «Мінскзелянбуда» знаходзіцца 38 фантанаў. На іх функцыянаванне могуць паўплываць рэгламентныя працы, якія, як правіла, праводзяцца раз у месяц, альбо асаблівыя ўмовы надвор’я. Так, фантаны могуць быць адключаныя пры выпадзенні ападкаў у выглядзе дажджу больш за 5 мм/г; тэмпературы паветра ніжэй +10 °C, узмацненні ветру парывамі больш за 10 м/с.