Музыка гурта Lity Taler, дудару Дзянісу Шмтко паставілі дыягназ «тромб падпахавай вены». Яму патрэбна дапамога, каб прайсці курс лячэння і рэабілітацыі. Пра гэта паведамляецца на старонцы гурта ў Facebook.
«Гэты чалавечак шмат каму дапамог, а цяпер патрабуе дапамогі сам», — пішуць пра Дзяніса ўдзельнікі гурта.
У жніўні 2021 г. Дзяніс вымушаны быў з’ехаць з Беларусі. Цяпер ён жыве ў Варшаве, працягвае займацца музычнай дзейнасцю.
«Калі не вылекваць захворванне — наступствы могуць застацца на ўсё жыццё. Магчыма, давядзецца перастаць граць на дудзе, чаго мне вельмі не хацелася б.
Мая задача цяпер — вылекавацца. Я не ведаю, колькі будзе каштаваць поўны курс лекавання, і на колькі ён расцягнецца. Спадзяюся, што сродкаў хопіць для поўнай рэабілітацыі. Буду вельмі ўдзячны кожнаму за падтрымку!» — напісаў сам музыка.
Падрабязная інфармацыя, як дапамагчы Дзянісу — па спасылцы.
Музыка браў удзел у праекце «Словы мацней» ад грамадскай кампаніі «Будзьма беларусамі».
Чытайце яшчэ: «Гэта нашае сэрца, нашая краіна, і інакш быць не можа»: топ беларускіх трэкаў ад Дзяніса Шматко
