Сацыяльная служба «Адно Акно» працягвае марафон, які закранае самыя актуальныя пытанні правоў і бяспекі жанчын.
«Мы на тваім баку» — гэта карысная інфармацыя і рэальная дапамога для кожнай беларускай жанчыны.
Ужо выйшла серыя публікацый, дзе расказваецца аб тым, куды звяртацца, калі вы сутыкнуліся з хатнім гвалтам, куды звяртацца па дапамогу для атрымання адукацыі за мяжой або за падтрымкай пры павышэнні кваліфікацыі ўнутры краіны.
Да 15 сакавіка ўключна марафон працягне раскрываць важныя тэмы:
- як абараніць свае правы на працы,
- што дапаможа дабіцца выплаты зарплаты,
- вырашыць пытанні клопату аб здароўі
- і пашырыць выкарыстанне роднай мовы ў сваім горадзе.
«Калі вы сутыкнуліся з гэтымі ці іншымі цяжкасцямі, не маўчыце. Пішыце ці тэлефануйце на гарачую лінію «Адно акно» — нашы аператаркі гатовыя падказаць вам, куды звярнуцца і як лепш паступіць у вашай сітуацыі», — паведамляе сацыяльная служба «Адно Акно».
Каб быць у курсе ўсіх навін і атрымліваць актуальную інфармацыю ад сацыяльнай службы, можна падпісацца на сацыяльныя сеткі праекта: Telegram і Instagram.