«Культурны Код» запрашае стваральнікаў digital-праектаў у галіне беларускай культуры на майстармайнд-сустрэчу. На першым спатканні гаворка пойдзе пра патрэбы, якія каманды і праекты маюць сёння.

Афіша сустрэчы «Культурны Код»

Закрыты клуб — гэта месца, дзе фаундары лічбавых праектаў падтрымліваюць адно аднаго, даюць прафесійныя парады, дзеляцца экспертызай, сумеснымі намаганнямі вырашаюць рэальныя праблемы, з якімі яны і іх праекты сутыкаюцца ў паўсядзённай працы. Сустрэчы будуць праходзіць раз на месяц, мадэраваць іх будзе Вераніка Шэнда — трэнер, коуч ICTA і ICF, ex-Business Development Lead, мадэратар закрытага клуба фаундараў стартапаў U-hub.

— Для працы ў майстармайнд-фармаце мы хочам сабраць моцную групу прадстаўнікоў digital culture, якія стануць тварам і ядром як для сектара агулам, так і для нашай супольнасці, — кажа кам’юніці-менеджарка «Культурнага Коду» Алена Тур.

Запрашаюць далучацца асобаў, якія:

• маюць лічбавы праект для беларускай культуры / маюць досвед працы ў digital.
• гатовыя стала ўдзельнічаць у сустрэчах (1 раз на месяц, у кожны другі чацвер месяца).
• гатовыя да адкрытага дыялогу ў групе.

Звязацца з камандай можна ў тэлеграме.