У межах фестывалю Tutaka ў суботу, 18 ліпеня, адбудзецца сустрэча з аўтарскай камандай праектаў «Трызуб і Пагоня», «Сармат», «Беларусь 18|63» ад грамадскай культурніцкай кампаніі «Будзьма беларусамі» — Кацярынай Ваданосавай, Васілём Калачом і Алесем Кіркевічам.
Тэма інтэрактыўнай лекцыі — «Паўстанне-1863. Міфы. Героі. Здраднікі».
- Ці мела шансы Паўстанне 1863 году на перамогу? Ці было яно «беларускім»?
- Чаму французы і брытанцы не прыйшлі на дапамогу?
- Чаму рускія пераходзілі на бок паўстанцаў?
- Што такое «Паўстанцкі апарат бяспекі» і хто выконваў яго выракі?
- Дзе тут месца Каліноўскага і чаму ён — першы беларускі герой?
Дзе і калі?
Дата: 18 ліпеня
Час сустрэчы: 15.50-17.20
Месца: Мерапрыемства адбудзецца ў біваку паўстанцаў 1863 года клуба гістарычнай рэканструкцыі «Invictus 1863».
