Вядомая баскетбольная каманда «Цмокі-Мінск» вырашыла памяняць назву. Цяпер клуб называецца «МИНСК».

Напісанне на дзвюх мовах — «МИНСК» (руская), і «MINSK» (англійская).

Прычыны перайменавання ў прэс-рэлізе тлумачацца так: «Сур'ёзныя задачы і маштабныя мэты падштурхнулі нас да павышэння пазнавальнасці клуба і стварэння актуальнага і прэзентабельнага брэнда. Абноўленая назва, лагатып і выбраны візуальны стыль дазволяць з новай сілай развіваць спартыўную дзейнасць, прыцягваць новую аўдыторыю. Для партнёраў клуба гэта магчымасць рэалізоўваць новыя маркетынгавыя стратэгіі. гэтым наша місія застаецца нязменнай — развіваць і папулярызаваць баскетбол».

Змены закранулі ўсе структуры клуба: мужчынскую каманду «МИНСК», «МИНСК» -рэзерв, і жаночую «МИНСК». Такую ж назву атрымала і спецыялізаваная дзіцяча-юнацкая школа алімпійскага рэзерву па баскетболе.

«Індывідуальнасць нашага брэнда праяўляецца ў выкарыстанні ў візуале нэймінгу беларускай літары «і», якая ў агульным чытанні таксама сімвалізуе назву роднага горада каманды — Мінска», — заяўляюць на афіцыйным сайце каманды.

Было

Стала