Пра задумку распавядае арганізатар квэсту Канстанцін Грахаў:

– Чаму Бабруйск? Бо гэта родны горад, дзе бываю прыкладна раз на месяц, і таму што трэба там абудзіць моладзь, нагадаць ёй пра родную мову і культуру, пачаць выцягваць з хатаў, саджаць на ровары, прапаноўваць альтэрнатывы звычайнаму баўленню часу.

Сам я гуляю у “схватку” (праект Encounter) ужо амаль 9 год. А роварных гульняў у Бабруйску да гэтага часу не праводзілася, вось я і вырашыў арганізаваць адзіночны турнір, прыцягнуць новых удзельнікаў.

Для ўдзелу трэба зарэгістравацца на старонцы https://bobr.en.cx/ , падаць заяўку, і 23-га прыехаць з зараджаным тэлефонам з інтэрнэтам на ровары ў месца збору, якое будзе ўказана крыху пазней. Пасля ўваходу ў гульню на сайце кожны будзе мець магчымасць чытаць заданні, рушыць да месца і выконваць заданні для атрымання “коду”, які трэба ўвесці для пераходу на наступны ўзровень. Агульны прабег гульні складзе каля 20км.

Гэта ўжо другая гульня. Першапачаткова турнір планаваўся на тры гульні. Трэцяя ж будзе больш звязаная з горадам. Хутчэй за ўсё прысвячу яе жыццю і творчасці Вінцэнта Дуніна-Марцінкевіча.

Тэгі: Бабруйск