Міністэрства інфармацыі абнавіла спіс экстрэмісцкіх матэрыялаў. Цяпер у ім не толькі вершы Дуніна-Марцінкевіча, а і зборы твораў Уладзіміра Някляева, Ларысы Геніюш, Наталлі Арсенневай і Лідзіі Арабей.
На падставе рашэння суда Цэнтральнага раёна Мінска ад 15 жніўня чорны спіс папоўнілі наступныя выданні:
- Кніга з серыі «Беларускі кнігазбор» Выбраныя творы / Лідзія Арабей; прадм. Л. Савік. Мінск: Кнігазбор, 2013. — 608 с.: [8] с.: іл. — («Беларускі кнігазбор»: Серыя 1. Мастацкая літаратура), ISBN 978-985-7057-77-1.;
- Кніга з серыі «Беларускі кнігазбор» Геніюш Л. Выбраныя творы / Уклад., прадм. i камент. М. Скоблы — Мн.: Беларускі кнігазбор«, 2000. — 616 [8] с.: іл., ISBN 985-6318-84-х.
- Кніга з серыі «Беларускі кнігазбор» Арсеннева Н. Выбраныя творы / Уклад., камент. Л. Савік; прадм. А. Сямёнаў. — Мн.: «Беларускі кнігазбор», 2002. — 592 с. [8] с.: іл — (Беларускі кнігазбор; сяр. 1. Мастацкая літаратура), ISBN 985-6638-55-а,
- Кніга з серыі «Беларускі кнігазбор» Някляеў У. Выбраныя творы / Уладзімір Някляеў; уклад., камент. В. Болдырава; прадм. Р. Барадуліна — Мінск: Кнігазбор, 2009. — 576 с.: [8] с.іл. — («Беларускі кнігазбор»: Серыя 1. Мастацкая літаратура), ISBN 978-985-6930-74-7.
Ларыса Геніюш — адна з найлепшых беларускіх паэтак ХХ стагоддзя. Як і большасць творцаў-аднагодак, мела няпросты і нават трагічны лёс. Некаторыя старонкі яе біяграфіі перагукаюцца з гісторыямі сучасных беларусаў. З канца 1930-х паэтка жыла ў Чэхаславакіі, у 1948 годзе была вывезеная савецкімі спецслужбамі ў СССР и арыштаваная там на 25 гадоў лагераў.
Наталля Арсеннева — аўтарка знакавага паэтычнага твора «Магутны Божа», які стаў адным з сімвалаў акцый пратэсту ў 2020 годзе. Наталлю Арсенневу зазвычай называюць лідарам паэзіі беларускага замежжа
Уладзімір Някляеў — адзін з самых вядомых сучасных беларускіх паэтаў, прызнаны класік, намінант на Нобелеўскую прэмію. Пасля падзей у Беларусі ў 2020 годзе знаходзіцца ў эміграцыі.
Лідзія Арабей — пісьменніца, літаратуразнаўца, аўтарка першых паважных кніг пра Алаізу Пашкевіч-Цётку.
Чытайце яшчэ: «Тое, што яны называюць „экстрэмізмам“, у кнізе і праўда ёсьць. Мая свабода»