Вільні споўнілася 700 гадоў.  25 студзеня 1323 г. у лісце вялікага князя літоўскага Гедыміна ўпершыню быў згаданы гэты горад, піша radiounet.fm.

Для беларусаў Вільня была заўсёды горадам родным, так склалася гістарычна. І найноўшая гісторыя зноў закінула сюды тысячы беларусаў — большая частка з іх, згодна з апошнімі сацыялагічнымі даследаваннямі, знайшла тут палітычны прытулак. Сёння ў літоўскай сталіцы жывуць журналісты і айцішнікі, настаўнікі і інжынеры, урачы і студэнты.

Беларусы пастаянна нагадваюць пра сябе: акцыі, шэсці, памятныя мерапрыемствы. І часта над Вільняй лунае бел-чырвона-белы сцяг.

Што такое для мяне Вільня сёння: спыталі ў беларусаў, якія жывуць у літоўскай сталіцы.

Вільня — гэта месца, дзе мае бацькі могуць спаць спакойна і не думаць, што да іх прыйдуць з вобшукам.

Вільня — гэта месца, дзе я схавалася і атрымала бяспеку. Калі б мне год 5-6 таму сказалі, што я буду жыць у Вільні, я б была вельмі радая, але тое, што мне давялося пераязджаць гвалтоўна, гэта вельмі цяжка.

Вільня — гэта горад мультыкультурны, дзе гучаць розныя мовы і мне здаецца, што я апынуўся на сто гадоў таму.

Вільня — гэта месца, якое дазволіла мне выжыць, захаваць сябе і нават адрадзіцца.

Вільня — гэта самае лепшае месца на Зямлі, лепшае, чым Парыж. Мне падабаецца атмасфера, архітэктура і гісторыя гэтага горада.

Глядзіце ніжэй фотаздымкі з розных мерапрыемстваў беларусаў Вільні.

Больш адказаў слухайце ў плэеры ніжэй.