Вольны Беларускі Ўніверсітэт працягвае восеньскі набор на адукацыйныя праграмы і запрашае ўдзельнікаў на два сертыфікаваныя анлайн-курсы — «Дэмакратызацыя найхутчэйшая ў гісторыі: перамены 90-х у Цэнтральна-Усходняй Еўропе» і «Геапалітыка і выклікі бяспекі Цэнтральнаеўрапейскага рэгіёну».

«Дэмакратызацыя найхутчэйшая ў гісторыі: перамены 90-х у Цэнтральна-Усходняй Еўропе»

Курс прапануе паглядзець на працэсы трансфармацыі праз чалавечы досвед: як грамадствы перажывалі шок перамен, вучыліся свабодзе, сутыкаліся з крызісамі і зноў шукалі стабільнасць.

Падчас курса вы зразумееце:

• што зрабіла перамены 1989–1992 гадоў унікальнымі ў сусветнай гісторыі;
• як краіны рэгіёна праходзілі праз надзею, расчараванне і пошук новай сістэмы каштоўнасцей;
• чаму прааўтарытарныя тэндэнцыі з’явіліся зноў і як грамадствы ім супраціўляліся;
• якія ўрокі гэты досвед дае Беларусі сёння.

Выкладчык:
Пётр Рудкоўскі (PhD) — беларускі філосаф, палітолаг і даследчык

Дэдлайн падачы заяўкі: 26.10.2025 г.

Рэгістрацыя па спасылцы.

Заняткі будуць праходзіць кожны чацвер а 18:00

Фармат: анлайн

«Геапалітыка і выклікі бяспекі Цэнтральнаеўрапейскага рэгіёну»

Курс дае сістэмнае разуменне геапалітычных працэсаў у рэгіёне ва ўмовах вайны, гібрыдных пагроз, энергетычных крызісаў і зменлівых міжнародных альянсаў. Курс дапаможа разабрацца ў логіцы геапалітычных працэсаў і ацаніць іх уплыў на Беларусь сёння і ў будучыні.

На курсе вы даведаецеся:

• што стаіць за паняццем «гібрыдныя пагрозы» і як на іх рэагаваць;

• як працуе энергетычная, інфармацыйная і ваенная бяспека;

• якую ролю адыгрывае Цэнтральная Еўропа ў глабальных працэсах;

• як Расея выкарыстоўвае дактрыну «рускага міру»;

• якія сцэнары развіцця рэгіёну нас чакаюць.

Выкладчыкі:
— mgr Алесь Лагвінец — палітолаг, эксперт у галіне еўрапейскай інтэграцыі
— mgr Аляксандр Казак — палітолаг, выкладчык Гданьскага ўніверсітэту, эксперт па пытаннях бяспекі і геапалітыкі Цэнтральнай і Ўсходняй Еўропы

Дэдлайн падачы заяўкі: 30.10.2025 г.

Рэгістрацыя па спасылцы. 

Працягласьць курсу: 10 сэсіяў па 2 акадэмічныя гадзіны (20 акадэмічных гадзінаў).

Фармат правядзеньня курсу: анлайн на базе Moodle + ZOOM;

Падрабязней пра курсы тут.