Аўдыёверсія раману Роберта Льюіса Стывенсана «Востраў скарбаў» з’явілася на «Кніжным возе»

Пра гэта паведамляецца на стронцы праекта «Кніжны воз» у Фэйсбуку.

Чытайце па тэме: Стваральнік прыкладання «Кніжны воз»: "Імкнемся — зрабіць так, каб бацькі маглі выхоўваць дзяцей па-беларуску, і гэта не ператваралася для іх у другую працу.

«А ў нас зноў прэм’ера! Ды яшчэ якая! 

Аднойчы ў карчме з’яўляецца новы пастаялец — былы марак Білі Бонс. Ён мае хмурны і нелюдзімы характар.

Праз некаторы час да яго пачынаюць прыходзіць дзіўныя госці: пірат па мянушцы Чорны Пёс, які заве сябе «старым сябрам Білі» і страшны сляпы жабрак пірат П’ю, які перадае яму «чорную метку» — найвялізнейшы і найстрашнейшы жах марака

Білі вырашае тэрмінова пакінуць карчму, але раптам памірае. Джым Хокінс і яго маці — гаспадары карчмы, якім Білі вінны грошай за пастой. На дне яго куфра яны знаходзяць грошы і пакет папер. Становіцца зразумела, што Бонс быў штурманам на караблі знакамітага капітана Флінта і валодаў мапай нейкай выспы...

А вось што было далей, вам раскажуць Андрэй Мілюхін і Святлана Цімохіна ў аўдыёверсіі раману Роберта Льюіса Стывенсана «Востраў скарбаў»

Пераклад — А. М. Асташонка

Рэдактарка запісу — Крысціна Дробыш

Гукарэжысёр — Макс Атаманчык

Паслухаць «Востраў скарбаў» можна тут.