Што такое свабода, калі ты далёка ад дому? Гэта пытанне лягло ў аснову выставы, якую рыхтуе незалежная каманда беларусаў і беларусак у Варшаве. Арганізатары запрашаюць усіх жадаючых мастачак і мастакоў прыняць удзел у выставе.

Як паўдзельнічаць ў выставе?

Выстава аб’яднае да 20 прац мастакоў і мастачак, якія:

— натхняліся творчасцю Алеся Пушкіна;
— даследуюць досвед выгнання, страты, пошуку каранёў;
— працуюць з тэмамі ўнутранай свабоды, памяці, рытуалу і побыту.

Падаць сваю працу можна да 20 траўня па спасылцы.

Дзе і калі пройдзе выйстава?

Выстава адкрыецца 6 жніўня 2025 года ў Варшаве ў Музеі Вольнай Беларусі.

Уваход на выставу будзе бясплатным.

Што дасць выстава?

Гледачам — кантакт з мастацтвам у міграцыі, прастору для суперажывання і натхнення.

Мастачкам і мастакам — магчымасць быць пачутымі, паказаць свой досвед, адчуць сябе часткай супольнасці.

Што трэба для рэалізацыі выставы?

Выставу арганізуе незалежная каманда беларусаў і беларусак у Варшаве. Каб рэалізаваць выставу, арганізатарам патрэбна сабраць мінімум 3000 еўра на: 

– арэнду выставачнай залы 

– аплату працы каманды (куратаркі, дызайнеркі, тэхнічныя каардынатар_кі) 

– мантаж, лагістыку, святло, упакоўку 

– друк афіш, сайт, прасоўванне open call.

Праект можна падтрымаць праз платформу Gronka.