З 11 па 25 красавіка ў Берліне будзе праходзіць выстава беларускіх мастакоў і мастачак пад назвай «Кропка Сходу». У межах выставы адбудуцца таксама канцэрт, перформансы, дыскусіі і майстар-класы пра сучаснае беларускае мастацтва і яго месца ў свеце. У выставе бяруць удзел Аляксандр Бельскі, Разаліна Бусел, Аляксандр Кот-Зайцаў, Вольга Савіч, Варвара Суднік, Саша Вялічка.
«Кропка Сходу» — фінальная выстава міжнароднага праекта PerspAKTIV, які з 2022 года аб’ядноўвае мастакоў і мастачак, культурных дзеячаў і дзеячак, якія працуюць у розных краінах. Праект быў ініцыяваны арганізацыямі RAZAM, Ambasada Kultury, Galeria Miejska Arsenał пры падтрымцы German Federal Foreign Office і на сённяшні дзень уключае 33 культурныя інстытуцыі з Германіі і Польшчы.
Сучаснае мастацтва за мяжой працягвае адлюстроўваць культурныя працэсы, змяняцца пад уплывам новых кантэкстаў і адначасова захоўваць унікальнасць ідэнтычнасці. Мастакі працуюць з рознымі тэмамі, даследуюць культурны абмен, асабісты досвед і трансфармацыю нацыянальнай памяці праз мастацтва. Праект Belarus as a Global Case: Art and Activism in Conditions of Risk аб’ядноўвае беларускіх мастакоў і мастачак — выпускнікоў рэзідэнцкай праграмы, даючы магчымасць пазнаёміцца з новымі мастацкімі падыходамі, а таксама адчуць, як змяняецца беларускае мастацтва ў глабальным кантэксце. Арганізатары запрашаюць усіх, хто цікавіцца сучаснай культурай, далучыцца да адкрытага дыялогу, наведаць выставу і мерапрыемствы, прысвечаныя новым шляхам мастацкага самавыяўлення.
Куратарка выставы Вольга Архіпава:
Прадстаўленая экспазіцыя з’яўляецца часткай сучаснага руху, які адбываецца з беларускім мастацтвам за мяжой. Мастакі з Беларусі атрымалі магчымасць выказвання ў межах міжнароднага творчага працэсу. Індывідуальны досвед, які сфарміраваўся ў цяжкіх сацыяльных і грамадскіх умовах, праз розныя формы творчасці: ад класічных і традыцыйных да канцэптуальных і наватарскіх, па-свойму распавядае і прадстаўляе зразумелыя кожнаму тэмы. Гэта тэмы паразумення, пратэсту, памежжа, вайны, турмы і дома, і ў том жа час, умоўнасць гэтых тэм, прыклад таго, як устойлівыя паняцці змяняюць сваю сутнасць і ператвараюцца ў сваю супрацлегласць.
Мастацтва не толькі прымушае нас думаць пра гэта, але і знаходзіць шляхі ратавання, паказвае гледачу, як магчыма адшукаць гэтыя арыентыры ва ўмовах страчаных сэнсаў. Адсюль і назва выставы «Кропка сходу» ‒ пошук таго месца, дзе сыходзяцца розныя накірункі і вынікі, месца даследавання. Якія намаганні прыкладваюць мастакі і якія знаходзяць вобразы ў гэтым асяроддзі. Разважанні пра самаідэнтыфікацыю і змест ствараюць больш пытанняў, чым адказаў, бо гэта заўсёды жывы працэс, працэс салідарнасці і ўстойлівасці.
Berlin Ballhaus Prinzenallee, Prinzenallee 33, 13359 Berlin Hotel Continental — Art Space in Exile, Elsenstr. 87, 12435 Berlin
ПРАГРАМА
11 красавіка 2025
Ballhaus Prinzenallee, Prinzenallee 33, 13359 Berlin
11:15 – Адкрыццё & PerspAKTIV у словах, лічбах і відэа
12:00 – Панэльная дыскусія: Рэзідэнцыі як сродак падтрымкі мастакоў у небяспецы?
Hotel Continental - Art Space in Exile, Elsenstr. 87, 12435 Berlin
17:00 – Адкрыццё калектыўнай выставы «КРОПКА СХОДУ / VANISHING POINT»
з удзелам выпускнікоў PerspAKTIV
18:00 – Куратарская экскурсія
19:00 – Танцавальны праект «Rimma and me»
12 красавіка 2025
Ballhaus Prinzenallee, Prinzenallee 33, 13359 Berlin
17:00 – Перформанс Глеба Кавальскага
19:00 – Канцэрт «WTBSK»
(Праект, які аб’ядноўвае вакалістку і паэтку Sveta Ben і электроннага музыканта Sergey Novitsky, спалучаючы эксперыментальную электроніку, трып-хоп, псіхадэліку, нойз-гітары, транс і тэхна з пранізлівымі тэкстамі.)
20:00 – Madmapper (live techno, hypnotic)
11 красавіка – 25 красавіка 2025
Калектыўная выстава «КРОПКА СХОДУ / VANISHING POINT»
Удзельнікі: Аляксандр Бельскі, Разаліна Бусел, Аляксандр Кот-Зайцаў, Вольга Савіч, Варвара Суднік, Саша Вялічка.
Куратары: Вольга Архіпава, Эвеліна Мурашкевіч
Вернісаж: 11.04.2025, 17:00
Гадзіны працы: серада-пятніца 16:00-18:00, субота-нядзеля 16:00-20:00
Месца правядзення: Hotel Continental - Art Space in Exile, Elsenstraße 87, 12435 Berlin
СУПРАВАДЖАЛЬНЫЯ ПАДЗЕІ ВЫСТАВЫ
Hotel Continental - Art Space in Exile, Elsenstraße 87, 12435 Berlin
13 красавіка 2025
14:00 – 16:00
Майстар-клас па мазаіцы з Аляксандрам Бельскім
(Майстар-клас будзе праводзіцца на нямецкай і рускай мовах.)
18 красавіка 2025
14:00 – 16:00
MOURNING MORNING / Майстар-клас па стварэнні папяровых кветак з Разалінай Бусел (Майстар-клас будзе праводзіцца на ангельскай мове.)
24 красавіка 2025 – Фінісаж
18:00
Artist talk з Аляксандрай Вялічкай (на ангельскай мове.)
