На творчым вечары кампазітара і спявачкі з Фаніпалая Тамары Іванаўны Кашчэва 25 лістапада 2016 года выступіла паэтэса Вера Буланда.

Свой выступ спадарыня Вера пачала з падарункаў бібліятэцы – плакаты “500-годнасці” ў сувязі з набліжэннем цудоўнага свята ў Беларусі ў 2017 годзе – гэта ўшанаванне справы нашага славутага першадрукара Францыска Скарыны. Адзначаем 500 год таго часу, калі ўпершыню была надрукавана ім кніга ў Падуі. Паэтэса нагадала, якія кнігі ўсхвалявалі яе на працягу жыцця. А гэта А. Клышкі “Францыск Скарына або як да нас прыйшла кніга”, А. Лойка “Сонца маладзіковае”. Прыгадала з гэтых кніг цікавыя і важныя моманты незвычайна велічнага і трагічнага лёсу любімага са школы Францішка Скарыны, якому даўным-даўно прысвяціла верш, а кампазітар з Лепеля напісаў да яго музыку.

Мой Скарына, сустрэнь мяне ты

На вулках полацкіх сваіх,

Ці знаць табе, што ўся планета

У думках велічных тваіх.

Прыпеў:

Якая пільная ўвага

Да слаўнай полацкай сям’і:

І Кракаў, Падуя, і Прага

Схіляюць голаў да зямлі.

Жывеш у сэрцах паспалітых

Нязгаснай зоркай у вяках,

Прыйдзі ка мне: пазнаць, які ты –

Табой асвечаны мой шлях.

Прыпеў:

Ты сэрца ўзяў маё, Францішак,

Ты праз стагоддзі ўладар.

Гляджуся ў вочы тваіх кніжак,

Шаную твой каштоўны дар.

Калі бібліятэцы ад кампаніі “Будзьма беларусамі!” былі падораны плакаты “500-годнасці”, чытачам таксама за актыўны ўдзел уручаны паштоўкі з назвамі месяцаў, кветак, фарбаў і інш. па-беларуску з серыі “Не маўчы па-беларуску”.

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

Тэгі: Дзяржынск