Дасяжныя для спампавання новыя стыкеры, створаныя мастачкай Вольгай Бабурынай, больш вядомай у творчым асяродку як Palunisа.
Стыкеры даступныя ў Telegram, WhatsApp, Massanger і Viber. «Даўно хацела зрабіць і нарэшце дарвалася! Зацаніце! Спампуйце! Карыстайцеся! Вірусуйце беларушчынай!» — піша мастачка на сваёй старонцы ў fb.
Вольга Бабурына. Фота Наталлі Каледа
Вольга Бабурына — беларуская мастачка, якая ўжо шмат год займаецца выцінанкай. Мае званне народнага майстра, таксама — яна экс-загадчыца секцыі выцінанкі ў Беларускім саюзе майстроў народнай творчасці. Вольга амаль увесь час арганізуе праекты, звязаныя з выцінанкамі, а ў 2021 годзе адчыніла музей выцінанкі ў вёсцы Лоск Валожынскага раёна.
Чытаць яшчэ: Мастачка Вольга Бабурына: «Любое далучэнне да традыцыйнага мастацтва будзе даваць моцную ўнутраную падтрымку, бо так мы абапіраемся на нашых продкаў»
