Аляксандр Лукашэнка падпісаў Закон «Аб ліцэнзаванні». Ён прадугледжвае неабходнасць атрымання ліцэнзій усімі школамі і дзіцячымі садкамі. Згодна закону, замацоўваецца пераход на электроннае ліцэнзаванне праз стварэнне адзінага лічбавага рэестра ліцэнзій, паведамляе president.gov.by.
Навошта быў уведзены гэты закон?
Згодна публікацыі, адукацыйная дзейнасць патрабуе павышанага кантролю з боку дзяржавы, так як звязаная з фарміраваннем здаровай, ідэалагічна устойлівай і рознабакова развітай асобы. Ліцэнзаванне гэтай дзейнасці стане гарантам законнасці і якасці аказваемых паслуг, што дасць магчымасць ацаніць арганізацыю адукацыйнага працэсу і не дапусціць з’яўлення ў сферы адукацыі суб’ектаў гаспадарання, якія маюць выключна камерцыйныя мэты на шкоду дзяржаве і асобе.
Прыняцце закона дасць магчымасць знізіць адміністрацыйную нагрузку на суб’екты гаспадарання, забяспечыць неабходнасць атрымання ліцэнзіі толькі для ажыццяўлення эканамічнай дзейнасці, патэнцыйна спалучанай з пагрозамі прычынення шкоды дзяржаўным ці грамадскім інтарэсам, правам і законным інтарэсам грамадзян.
Чытайце яшчэ: «Бацькі не забудуць». Беларускі настаўнік — пра закрыццё прыватных школ
Да гэтых змяненняў усе беларускія школы, і дзяржаўныя, і прыватныя, павінны былі праходзіць атэстацыю і атрымліваць сертыфікат гатоўнасці.
Што стала прычынай прыняцця закона?
З верасня ў Мінску прыпынілі працу больш за 20 прыватных школаў. Прычынай прыпынення дзейнасці стала здарэнне ў адной з такіх навучальных установаў, дзе адзін вучань стрэльнуў аднакласніцы ў вока гумовым шарыкам з цацачнага пісталета. Дзяўчынка атрымала траўму вока. Аляксандр Лукашэнка тады заявіў: «Трэба зачысціць усё да немагчымасці ў сістэме адукацыі Беларусі».
Што рэгулюе закон аб ліцэнзаванні і калі ўступае ў сілу?
Закон рэгулюе ўсю сферу ліцэнзавання. Ён вызначае: ліцэнзуемыя віды дзейнасці, ліцэнзуючыя органы, патрабаванні, што прад’яўляюцца да суіскальнікаў ліцэнзій і ліцэнзіятаў, парадак атрымання ліцэнзіі, парушэнні заканадаўства аб ліцэнзаванні, якія з’яўляюцца падставай для спынення ліцэнзіі.
Тэрміны звароту за ліцэнзіямі будзе вызначаць Міністэрства адукацыі ў адпаведнасці з зацверджаным ім графікам. Ліцэнзаваннем будуць займацца гарадскія (гарадоў абласнога падпарадкавання) і раённыя выканаўчыя камітэты.
Нормы аб атрыманні ліцэнзіі дзяржаўнымі і прыватнымі дзіцячымі садкамі і школамі ўступяць у сілу адразу пасля афіцыйнай публікацыі закона, астатнія пункты ўступяць у сілу з 1 студзеня 2023 года.
